08.04.2026 | 01:11
Խարբերդի ամառանոցներից դեպի Նուբարաշեն ավտոճանապարհին 5 մեքենա է բախվել. 3 անձ հոսպիտալացվել է
«Իրանը, Վրաստանը, Ադրբեջանը և Թուրքիան ազգային անվտանգության թիվ մեկ մարտահրավերներն են»․ Թևան Պողոսյան․ ՏԵՍԱՆՅՈՒԹ
Քաղաքականություն
26.06.2018 | 15:25
«Իրանը, Վրաստանը, Ադրբեջանը և Թուրքիան թիվ մեկ ազգային անվտանգության մարտահրավերներն են, և այդ իմաստով, այն, ինչ կատարվում է Թուրքիայում, մեզ համար կարևոր է, որ հասկանանք՝ ինչ է լինելու տարածաշրջանային խաղացող երկրի հետ։ Մի անգամ ես ուշադրություն էի հրավիրել այն հանգամանքի վրա, որ, օրինակ, Դիարբեքիրում 40 հազարանոց զորքով ոստիկանական գործողություններ են կատարում, բայց մենք դրան չենք անդրադառնում, մինչդեռ 40 հազարանոց զորքը դա քաղաքացիական պատերազմի մասին էր խոսում»,- այսօր հրավիրված մամուլի ասուլիսի ժամանակ ասաց «Մարդկային զարգացման միջազգային կենտրոնի» նախագահ, ՀՀ նախագահի խորհրդական Թևան Պողոսյանը։
Վերջինս նշեց, որ Թուրքիայում կայացած ընտրություններից առաջ կային տեղեկություններ, որ կարող է Էրդողանը մեկ փուլով չհաղթահարել անցողիկ շեմը, և դա կարող էր պատճառ դառնալ արտաքին լարվածության համար, ուստի լավ է, որ առաջին փուլով Էրդողանը վերընտրվեց նախագահ․ «Իսկ այս պահին ասել, թե Թուրքիայի արտաքին քաղաքականությունն ինչպիսին կլինի, դժվար է, սակայն պետք է հետևել դրանց հատկապես՝ կձևավորվի այնտեղ Կառավարությունը»։
Մանրամասները՝ տեսանյութում։
