13.06.2026 | 00:58
ԱԱ-2026․ Կանադան խուսափեց պարտությունից Բոսնիա և Հերցեգովինայի դեմ խաղում․ ՏԵՍԱՆՅՈՒԹ
«Կարմիր գծեր կան, որոնք երբեք չենք անցնում»․ Ռուբեն Մելքոնյան․ ՏԵՍԱՆՅՈՒԹ
Քաղաքականություն
26.06.2018 | 15:13
Հայաստան-Թուրքիա հարաբերությունների հետ կապված մենք ունենք պետական կոնսոլիդացիա, և սկսած 91 թվականից ունենք կարևոր կարմիր գծեր, որոնք երբեք չենք անցնում․ դրանք սկզբունքային մեր դիրքորոշումներն են կապված և՛ Արցախի հետ, և՛ Ցեղասպանության փաստի հետ, և՛ ՀՀ-ի ու Թուրքիայի միջև դիվանագիտական հարաբերություններ հաստատելու հետ։ Այս մասին այսօր հրավիրված մամուլի ասուլիսի ժամանակ ասաց Երևանի պետական համալսարանի արևելագիտության ֆակուլտետի դեկան, պրոֆեսոր Ռուբեն Մելքոնյանը։
«Վստահ եմ, որ ապագայում էլ այդ կարմիր գծերը պահպանվելու են, որը խոսում է մեր պետական հասունության մասին, որ ոչ թե այդ ժամանակվա իշխանությունն է որոշում այլ՝ այդ որոշումները տարիների ընթացքում քննարկված դիրքորոշումներ են»,- ասաց նա։
Անդրադառնալով ՀՀ-ի և Թուրքիայի միջև ֆուտբոլային դիվանագիտությանը՝ Ռուբեն Մելքոնյանը նշեց․ «Դա բավականին մեծ փորձառություն էր երիտասարդ Հայաստանի համար, հրապարակային առումով այն նաև ամենատարածվածն է, և, կարծում եմ, այդ փորձը, սխալներն ու բացթողումները ուղեկից են լինելու հայկական դիվանագիտությունն ավելի փորձառու դարձնելու համար։ Ես կարծում եմ, որ հայկական դիվանագիտությունն արձանագրել է նաև որոշակի հաջողություններ»։
Մանրամասները՝ տեսանյութում։
