05.11.2024 | 09:32
ՀՀ տարածքում ավտոճանապարհներն անցանելի են․ Լարսը բաց է
Մոսկվայում Ֆինլանդիայի դեսպանատունը դիմել է ՌԴ ԱԳՆ՝ կասկածելի նամակների պատճառով
Քաղաքականություն
14.04.2023 | 22:29
Մոսկվայում Ֆինլանդիայի դեսպանատունը հաստատել է, որ հինգշաբթի օրը դիվանագիտական ներկայացուցչության շենք է առաքվել երեք նամակ, որոնցից մեկի մեջ փոշի է եղել։ Դեսպանատունը դիմել է ՌԴ ԱԳՆ, հաղորդում էՌԻԱ Նովոստին։
«Ֆինլանդիայի դեսպանատան անունից հաստատում ենք, որ հինգշաբթի օրը՝ ապրիլի 13-ին, երեք նամակ է առաքվել ՌԴ-ում Ֆինլանդիայի դեսպանատուն, որոնցից առաջինի բացման ժամանակ հայտնաբերվել է փոշի»,- հայտնել են դեսպանատնից։ «Ֆինլանդիայի արտաքին գործերի նախարարության անվտանգության կանոններին համապատասխան այդ նամակները փոխանցվել են Ռուսաստանի պաշտոնական մարմինների ներկայացուցիչներին, որոնք ուսումնասիրում են հարցը:
Դեպքից անմիջապես հետո Ֆինլանդիայի դեսպանատունը դիմել Ռուսաստանի Դաշնության արտաքին գործերի նախարարություն»,- հավելել են դիվանագիտական առաքելությունից։
Հիշեցնենք, որ մեկ օր առաջ էլ Մոսկվայում Ֆրանսիայի դեսպանության աշխատակիցները ոսկորներով ծանրոց էին ստացել։
Տաթև Ֆռանգյան
