25.07.2026 | 19:46
Համբուրգ․ Էլինա Ավանեսյանը պարտվեց կիսաեզրափակիչում. ՏԵՍԱՆՅՈՒԹ
Կորոնավիրուսի նոր շտամը Հնդկաստանից հասել է Եվրոպա
Քաղաքականություն
13.04.2023 | 20:28
Կորոնավիրուսի վերջին տարբերակը՝ Arcturus անունով, որը վարակի նոր ալիք է առաջացրել Հնդկաստանում, հայտնաբերվել է Մեծ Բրիտանիայում։ Մասնավորապես, վերջին մեկ ամսվա ընթացքում հայտնաբերվել է մոտ 50 դեպք։ Այս մասին հայտնում է Daily Star-ը։
Վիրուսի այս տարբերակն առաջացել է Omicron-ի մուտացիայից: Մասնագետները այն համարում են առնվազն նույնքան վարակիչ։ Հնդկաստանի հիվանդանոցներում վիրուսի պատճառով հայտարարվել է վտանգի ամենաբարձր մակարդակը։ Որոշ նահանգներում վերականգնել են հանրային վայրերում դիմակների պարտադիր կրումը` փորձելով զսպել վարակակիրների թվի արագ աճը:
Բժիշկներ, այդուհանդերձ, չեն կարծում, որ այս շտամը, որը կոչվում է XBB.1.16, ավելի մահացու կլինի, քան հիմնական շտամները, որոնք այժմ տարածված են: Այնուամենայնիվ, նրանք նշում են, որ այն դեռ պետք է ուսումնասիրվի: Ըստ մասնագետների՝ վիրուսի այս տարբերակն ունի անհանգստացնող մուտացիաներ։
Մեծ Բրիտանիայի Առողջապահության և Անվտանգության հարցերով գործադիր մարմինը հաստատել է, որ նոր շտամն արդեն 50 մարդու վարակի պատճառ է դարձել երկրում։ Հնդկաստանում ապրիլի 12-ին գրանցվել է կորոնավիրուսային վարակի 40 215 դեպք, ինչը 3122-ով ավելի է միջին օրական ցուցանիշից։
Տաթև Ֆռանգյան
