26.02.2026 | 13:51
Ես մեղադրանքը չեմ առաջադրել. Թորոսյանը` Դավիթ Սանասարյանի դեմ ցուցմունք տալու և վճռի մասին․ ՏԵՍԱՆՅՈՒԹ
Washington Post-ը հայտնել է, թե ով է կանգնած եղել Պենտագոնի փաստաթղթերի արտահոսքի հետևում
Քաղաքականություն
13.04.2023 | 23:09
Մարդն, ով հրապարակել է ԱՄՆ կառավարության փաստաթղթերը, որոնցով ջրի երես է դուրս եկել դաշնակիցների հանդեպ լրտեսությունն ու բացահայտվել են Ուկրաինայի պատերազմին մասնակցության ԱՄՆ ծրագրերը, պարզվում է` երիտասարդ զենքի սիրահար է, ով խիստ գաղտնի տեղեկատվությամբ կիսվել է քիչ ծանոթ մարդկանց խմբում, որը ստեղծվել էր 2020 թվականի համաճարակի ժամանակ, գրում է Washington Post-ն իր հետաքննության մեջ։
Փաստաթղթերն հրապարակել է OG կեղծանունն ունեցող օգտատերը երկու տասնյակ մարդուց բաղկացած Discord գեյմերների հարթակում։ Խմբի անդամներին միավորել է զենքի, ռազմական սպառազինության ու Աստծո հանդեպ սերը, նշում է հրատարակությունը։
OG-ն խմբի անդամներին պատմել է, որ աշխատում է «ռազմական բազայում»։ Գաղտնազերծված փաստաթղթերը վերաբերում էին մի շարք զգայուն թեմաների, որոնց հասանելիություն կարող են ունենալ միայն նրանք, ովքեր ամիսներ շարունակ անցել են անձնական տվյալների ստուգում, եզրափակում է հրատարակությունը։
Դրանք պարունակում էին խիստ գաղտնի զեկույցներ բարձրաստիճան քաղաքական առաջնորդների գտնվելու վայրի և տեղաշարժերի մասին, ինչպես նաև` մարտավարական զեկույցներ զինվորականների վերաբերյալ:
OG-ն գաղտնի փաստաթղթեր է ուղարկել խմբին և ակնկալել, որ խումբը ուշադիր կլինի դրանց նկատմամբ: Բայց խումբը հետաքրքրվածություն չի դրսևորել, անդամները նախընտրել են YouTube-ում դիտել մարտական տեխնիկայի մասին տեսանյութեր, Washington Post-ը վերապատմել է խմբի անդամների հետ զրույցները։
OG-ն զայրացել է և սկսել ուղարկել գաղտնի փաստաթղթերի լուսանկարներ, որոնցից մի քանիսը պարունակում էին Ուկրաինայում մարտերի մանրամասն քարտեզներ և ուկրաինական էլեկտրացանցերի վրա ռուսական հրթիռների հարվածների հետևանքների արբանյակային խիստ գաղտնի պատկերներ:
Բացի այդ, OG-ն հրապարակել է զեկույցներ, որոնք հաստատում են ամերիկյան հետախուզության գործողությունները, որոնք ներթափանցել են ռուսական զինված ուժերի մեջ։ Մասնավորապես, ենթադրություններ են եղել, որ Եգիպտոսը նախատեսում էր տասնյակ հազարավոր հրթիռներ վաճառել Ռուսաստանին, և ռուս վարձկանները պատրաստվում էին զենք գնել ՆԱՏՕ-ի անդամ Թուրքիայից՝ Ուկրաինայի դեմ պայքարելու համար։
Հիշեցնենք, որ ապրիլի 7-ին New York Times-ի ամերիկյան հրատարակությունը հայտնել էր, որ համացանցում հայտնվել են Ուկրաինայի թեմաներով ամերիկյան գաղտնի փաստաթղթեր։
Ուկրաինայի նախագահի գրասենյակի ղեկավարի խորհրդական Միխայիլ Պոդոլյակը հայտարարել է, որ արտահոսքը չի խաթարի Ուկրաինայի և ԱՄՆ-ի հարաբերությունները:
Տաթև Ֆռանգյան
