07.10.2026 | 23:48
Արթուր Դանիելյանը կալանավորվեց
2022-ին Թուրքիայում 7600 գործ է հարուցվել Էրդողանին վիրավորելու մեղադրանքով
Քաղաքականություն
13.04.2023 | 23:31
Թուրքիայի նախագահ Ռեջեփ Թայիփ Էրդողանին վիրավորելու մեղադրանքով 2022թ-ին թուրք դատախազները 7600 հետաքննություն են սկսել, գրում է Turkish Minute-ը։ Նշվում է, որ ընդհանուր առմամբ, 1872 մարդ է դատապարտվել Էրդողանին վիրավորելու համար։
Արդարադատության նախարարության տվյալների համաձայն՝ Էրդողանը 2014 թվականից՝ առաջին անգամ նախագահ ընտրվելուց մինչև 2022 թվականի սեպտեմբեր ընկած ժամանակահատվածում, վիրավորանքի մեղադրանքով դատի է տվել 44 675 մարդու։
Նրան նախորդած հինգ նախագահների կողմից միայն 1716 վիրավորանքի գործ է հարուցվել։ Դատախազությունը հետաքննություն էր սկսել 848 մարդու նկատմամբ՝ 11-րդ նախագահ Աբդուլլահ Գյուլին և 207-ի նկատմամբ՝ 8-րդ նախագահ Թուրգութ Օզալին վիրավորելու համար։
Թուրքիայում նախագահին վիրավորելը հանցագործություն է՝ համաձայն քրեական օրենսգրքի 299-րդ հոդվածի։ Նախագահին վիրավորողին սպառնում է մինչև չորս տարվա ազատազրկում, որը կարող է ավելացվել, եթե հանցագործությունը կատարվել է զանգվածային լրատվամիջոցներով։
Էմմա Չոբանյան
