16.01.2026 | 12:47
UFC-ի նախագահն Արման Ծառուկյանին համեմատել է Ջոն Ջոնսի հետ
ԱՄՆ-ը Հյուսիսային Կորեային կոչ է անում դադարեցնել ապակայունացնող գործողությունները և վերադառնալ բանակցություններին
Քաղաքականություն
13.04.2023 | 22:55
Վաշինգտոնը խստորեն դատապարտում է հինգշաբթի օրը Հյուսիսային Կորեայի կողմից բալիստիկ հրթիռի արձակումը և կոչ է անում Փհենյանին նստել բանակցությունների սեղանի շուրջ, ասել է ԱՄՆ Ազգային անվտանգության խորհրդի խոսնակ Ադրիեն Ուոթսոնը Սպիտակ տան տարածած հայտարարության մեջ։
«Միացյալ Նահանգները խստորեն դատապարտում է ԿԺԴՀ-ին հեռահար բալիստիկ հրթիռի փորձարկման համար: Մենք կոչ ենք անում բոլոր երկրներին դատապարտել այդ խախտումները, նաև կոչ ենք անում ԿԺԴՀ-ին նստել լուրջ բանակցությունների սեղանի շուրջ: Դիվանագիտության դուռը չի փակվել, սակայն Փհենյանը պետք է անհապաղ դադարեցնի իր ապակայունացնող գործողությունները և փոխարենը ընտրի դիվանագիտական փոխգործակցությունը»,-ասվում է հաղորդագրության մեջ։
Ներկայացուցիչը նշել է, որ այս փորձարկումը ՄԱԿ-ի Անվտանգության խորհրդի բազմաթիվ բանաձևերի խախտում է։ Այն «բարձրացնում է լարվածությունը և ապակայունացնում տարածաշրջանում անվտանգային իրավիճակը»։
Նա հավելել է, որ Միացյալ Նահանգները բոլոր անհրաժեշտ միջոցները կձեռնարկի ԱՄՆ-ի, Կորեայի Հանրապետության և Ճապոնիայի անվտանգությունն ապահովելու համար։
Հինգշաբթի առավոտյան Հյուսիսային Կորեան Փհենյանի մոտ գտնվող կետից միջին կամ մեծ հեռահարության բալիստիկ հրթիռ է արձակել դեպի Ճապոնական ծով: Հարավային Կորեայի զինվորականները հաշվարկել են, որ բարձր անկյան տակ գտնվող հրթիռը անցել է մոտ 1000 կմ, նախքան ջուրն ընկնելը:
Տաթև Ֆռանգյան
