12.12.2024 | 18:21
Ղրղզստանում որոշել են փոխել երկրի օրհներգը, քանի որ դրա հնչյուններից անգամ «թռչուններն են վախեցել»
Ընտրություններում մեծ ուղերձ կտանք Արևմուտքին․Էրդողանը հայտարարել է, որ Արևմուտքը դեմ է իրեն
Քաղաքականություն
13.04.2023 | 22:09
Թուրքիայի նախագահ Ռեջեփ Թայիփ Էրդողանը նախօրեին Kanal D-ի և CNN Türk-ի ուղիղ եթերում անդրադարձել է օրակարգային տարբեր հարցերի, բնականաբար, խոսելով նաև մայիսի 14-ին սպասվելիք ընտրություններից։
Էրդողանն իրեն բնորոշ կերպով գործընթացին խառնել է Արևմուտքին՝ նշելով, թե «Արևմուտքը Թուրքիայի հետ կապված ծրագրեր ունի»։
«Ընտրություններով Թուրքիան մեծ ուղերձ կտա Արևմուտքին։ Մենք խնդիր չունենք, թե ինչ է ասում Արևմուտքը։ Մենք մտածում ենք մեր մասին։ Եթե պաշտպանական արդյունաբերության ոլորտում 20 տոկոսից հասել ենք 70 տոկոսի, սա հաջողության նշան է։ Արևմուտքը ճակատ է տանում Էրդողանի դեմ։ Բայց Էրդողանի դեմ պայքարը նշանակում է պայքար իմ ազգի դեմ։ Մայիսի 14-ին մենք շատ մեծ ուղերձ ենք տալու Արևմուտքին»,-ասել է Էրդողանը։
Խոսելով ընտրություններում երկրորդ փուլի հավանակության մասին՝ Թուրքիայի նախագահը հույս է հայտնել, որ «ազգն այն չի բարդացնի»։
«Ես հավատում եմ, որ իմ ազգն առանց դժվարության կավարտի գործը։ Այդ վճռականությունը ես տեսա երկրաշարժի գոտու Բաղջըլար ու Փենդիքե քաղաքներում»,-հայտարարել է Էրդողանը։
Հավելենք, որ մայիսի 14-ին Թուրքիայում տեղի կունենան նախագահական ու խորհրդարանական ընտրությունները։
Էմմա Չոբանյան
