15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Կանանց շրջանում ավելացել է թմրանյութերի օգտագործումը․ փոխնախարար․ ՏԵՍԱՆՅՈՒԹ
12.04.2023 | 16:18
Վերջին շրջանում ավելացել է թմրամիջոց օգտագործողների թիվը, ավելին` երիտասարդացել է դրանց օգտագործողների տարիքային շեմը։ Այս տեղեկությունն ԱԺ–ում հայտնեց առողջապահության փոխնախարար Լենա Նանուշյանը՝ ԱԺ-ում «Թմրամիջոցների և հոգեմետ (հոգեներգործուն) նյութերի մասին» օրենքում փոփոխություններ և լրացումներ կատարելու մասին» և «Վարչական իրավախախտումների վերաբերյալ ՀՀ օրենսգրքում փոփոխություն կատարելու մասին» օրենսդրական փաթեթի քննարկման ժամանակ։
«Վերջին տարիներին նաև կանանց շրջանում է ավելացել թմրամիջոց օգտագործողների թիվը։ Հիմնականում օգտագործում են սինթետիկ հոգեխթանիչներ։ Դրանց կիրառումը, ի դեպ, կարող է հանգեցնել հոգեկան առողջության խնդիրների։ Այժմ թմրամիջոցների ձեռքբերման համար նոր եղանակներից են օգտվում` տելեգրամյան ալիքների միջոցով են դրանք գնում»,- նշեց փոխնախարարը։
Նանուշյանը հավելեց, որ երբեմն, ցավոք, հնարավոր չի լինում կանխարգելման աշխատանքներն ամբողջովին կատարել, սակայն իրավապահները զբաղվում են այդ հարցերով։ Բացի դրանից՝ թմրամիջոցների կիրառման դեմ առողջապահության նախարարությունը իրազեկման աշխատանքներ է իրականացնում, ինչպես նաև վերապատրաստումներ են արվում բուժաշխատողների շրջանում։
Փոխնախարարի խոսքով` վերջին 2 տարիների ընթացքում ավագ դպրոցների աշակերտների հետ հանդիպումներ են անցկացրել թմրամիջոցների վնասակարության թեմայով և կշարունակեն այդ հանդիպումները։
Մանրամասները՝ տեսանյութում։
