03.10.2026 | 22:08
Հայաստանի հավաքականը ժամանել է Պոդգորիցա
Արտադրական կանեփի բույսերի չորացումը ևս արտադրական գործընթաց է․ լրացումներ՝ օրենքում․ ՏԵՍԱՆՅՈՒԹ
12.04.2023 | 15:55
Կառավարության հեղինակած ««Թմրամիջոցների և հոգեմետ (հոգեներգործուն) նյութերի մասին» օրենքում փոփոխություններ և լրացումներ կատարելու մասին» և «Վարչական իրավախախտումների վերաբերյալ ՀՀ օրենսգրքում փոփոխություն կատարելու մասին» օրենսդրական փաթեթն ԱԺ-ում ներկայացրեց ՀՀ առողջապահության նախարարի առաջին տեղակալ Լենա Նանուշյանը
Համապատասխան նախագծերի փաթեթով առաջարկվում է լրացնել «Արտադրական կանեփի գործընթաց» եզրույթի բովանդակությունը՝ սահմանելով, որ արտադրական կանեփի բույսերի չորացումը նույնպես համարվում է արտադրական կանեփի գործընթաց։
Առողջապահության նախարարը նշեց, որ Կառավարության համար սահմանվում է նաև լիազորող նորմ արտադրական կանեփի փաթեթավորման, տեղափոխման, պահեստավորման, ոչնչացման վերաբերյալ պահանջները սահմանելու մասին։
«Առաջարկվում է հանել օրենքով արտադրական կանեփի արտադրության, ներմուծման, արտահանման, մեծածախ առևտրի գործունեության իրականացման համար ներկայացվող փաստաթղթերի ցանկում բիզնես ծրագիր ներկայացնելու պահանջը, քանի որ դրա վերաբերյալ որևէ օբյեկտիվ գնահատական տալ հնարավոր չէ։ Փոխարենը սահմանել, որ բիզնես ծրագրում ներկայացված անհրաժեշտ տվյալները հայտատուն կարող է ներկայացնել կից տեղեկանքով կամ հայտում նշում կատարելով»,- նշեց Նանուշյանը։
Մանրամասները՝ տեսանյութում։
