14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Ըստ վերջին հարցումների՝ Թուրքիայում գալիք նախագահական ընտրություններում հաղթելու է ընդդիմությունը
Քաղաքականություն
12.04.2023 | 23:30
Թուրքական Geziji ընկերության կողմից անցկացված հասարակական կարծիքի նոր հարցումը ցույց է տալիս, որ ընդդիմության թեկնածուի օգտին նախագահի պաշտոնի հիմնական հավակնորդների միջև աճող տարբերություն կա։ Հարցման արդյունքները չորեքշաբթի օրը հրապարակել է ընդդիմությանը մոտ կանգնած Cumhuriyet թերթը։
Հետազոտությունն անցկացվել է ապրիլի սկզբին Թուրքիայի 24 նահանգների 2,8 հազար քաղաքացիների շրջանում։ Հարցին, թե ում օգտին կքվեարկեն ընտրություններում, 53,4%-ը նշել է Ժողովրդահանրապետական կուսակցության (CHP) նախագահ Քեմալ Քըլըչդարօղլուին, իսկ գործող նախագահ Ռեջեփ Թայիփ Էրդողանի օգտին՝ 43,2%-ը։ «Հայրենիք» կուսակցության թեկնածու Մուհարեմ Ինջեին և Աթաթուրքիստների դաշինքից Սինան Օգանին ձայն պատրաստ են տալ համապատասխանաբար 2,1 և 1,3 %-ը։
Ընդ որում, հարցվածների 56,2%-ը, անկախ իրենց հայացքներից, կարծում է, որ հաջորդ նախագահ կընտրվի ընդդիմադիր կուսակցությունից։
Սրա հետ մեկտեղ երեքշաբթի օրը Hürriyet թերթը հրապարակել է Optimar-ի կողմից ապրիլի 1-7-ը 4745 քաղաքացիների շրջանում անցկացված հարցման տվյալները: Այս հարցման մասնակիցների 53,4%-ն էլ համոզված է, որ Էրդողանը հաղթելու է, իսկ 42,1 %-ը՝ Քըլըչդարօղլուն։ Հարցվածների 45,9%-ն ասել է, որ ընտրատեղամասերում կքվեարկի Էրդողանի օգտին, իսկ 43,9%-ը՝ Քըլըչդարօղլուի օգտին։
Տաթև Ֆռանգյան
