Քաղաքականություն
12.04.2023 | 10:04Ազգային ժողովը երեկ հերթական քառօրյայում քննարկում էր ՄԻՊ թեկնածուի ընտրության հարցը։
Իշխանության ներկայացրած թեկնածուն գլխավոր դատախազի տեղակալ Անահիտ Մանասյանն է։ Ընդդիմությունը ևս թեկնածու ուներ, սակայն Էդգար Ղազարյանի թեկնածությանը պատգամավորները դեմ էին արտահայտվել դեռ հանձնաժողովի նիստում և նրա թեկնածությունը լիագումար նիստում չքննարկվեց։
«Քաղաքացիական պայմանագիր» խմբակցության պատգամավոր Նարեկ Զեյնալյանն այսօր նիստի մեկնարկին ներկայացրեց փակ գաղտնի քվեարկության արդյունքները, ըստ որի՝ Անահիտ Մանասյանի թեկնածությանը միաձայն կողմ է քվեարկել 69 պատգամավոր։
Այսպիսով՝ Մանասյանը դարձավ ՀՀ 6-րդ օմբուդսմենը և շուտով կսկսի պաշտոնավարումը։
