12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Էրդողանը պնդում է, որ Թուրքիան շարունակում է արդյունավետ դիվանագիտությունը
Քաղաքականություն
11.04.2023 | 22:04
վԱշխարհաքաղաքական լայնածավալ վերափոխումների և ռիսկերի ֆոնին Թուրքիան պետք է ուժեղ և միասնական լինի»․ հայտարարել է Թուրքիայի նախագահ Ռեջեփ Թայիփ Էրդողանը, ելույթ ունենալով Անկարայում իշխող «Արդարություն և զարգացում» կուսակցության նիստում, գրում է Անադոլուն։
««Թուրքիայի հարյուրամյակի» կոնցեպտը կարևոր է ոչ միայն թուրք ժողովրդի, այլև իսլամական և թյուրքական աշխարհում Թուրքիայի բոլոր բարեկամների համար՝ Բալկաններից մինչև Կովկաս, Ասիայից մինչև Աֆրիկա: Քանի որ Թուրքիան ավելին է քան 780,000 քառ կմ-ն ու 85 մլն մարդը։ Աշխարհում մեր երկրի ամեն ընկեր, մեծ Թուրքիայի մասն է»,-ասել է Էրդողանը։ Նա նշել է, որ Թուրքիայի ջանքերի և Ռուսաստանի Դաշնության և Ուկրաինայի հետ ակտիվ շփումների շնորհիվ խաղաղության հեռանկարները դեռ օրակարգում են։
Էրդողանը նաև ասել է, որ Թուրքիան շարունակում է արդյունավետ դիվանագիտությունը, ինչը հնարավորություն է տալիս իրական արդյունքների հասնել բազմաթիվ հարթակներում, այդ թվում՝ Լիբիայում և Կովկասում։
«Մենք աշխարհին ցույց տվեցինք, որ մենք գործոն ենք, այն անհրաժեշտության դեպքում փոխում է իրավիճակը տեղում։ Դրա օրինակները շատ են՝ Արևելյան Միջերկրականից մինչև Թուրքիայի հարավային սահմանների մոտ ստեղծված իրավիճակ, Սև ծովից մինչև Կովկաս»,- ընդգծել է Թուրքիայի նախագահը։
Էմմա Չոբանյան
