15.09.2026 | 15:10
Միրզոյան-Բայրամով նոր հանդիպում է նախատեսվում // ԲՀԿ-ն կշարունակի քաղաքական գործունեությունը․ ԼՈՒՐԵՐ
Նախագահ Վահագն Խաչատուրյանը հյուրընկալել է Factor.TV-ում փորձաշրջան անցնող ուսանողներին
Հասարակություն
11.04.2023 | 16:16
Factor TV-ում փորձաշրջան անցնող ուսանողներին և նախկին շրջանավարտներին ապրիլի 6-ին նախագահական նստավայրում հյուրընկալել է Հանրապետության նախագահ Վահագն Խաչատուրյանը: «Եվրոպական մեդիահարթակ Հայաստանում. հուսալի և պրոֆեսիոնալ լրատվամիջոցների կառուցում» ծրագիրը իրականացվում է Եվրամիության աջակցությամբ՝ BBC Media Action-ի և Deutsche Welle Akademie-ի հետ համատեղ: Ծրագիրը նպատակ ունի աջակցել Հայաստանում որակյալ լրագրության ամրապնդմանն ու նպաստել մեդիամիջավայրի բարելավմանը։
Հանդիպման ընթացքում նախագահը խոսել է խորհրդային շրջանում խոսքի ազատության սահմանափակումների, գրաքննության ենթարկվող մամուլի և տեղեկատվության վերաբերյալ: Անմիջական մթնոլորտում Վահագն Խաչատուրյանը զրուցել է ծրագրի մասնակիցների հետ, անդրադարձել պատասխանատու լրատվության կարևորության տարբեր ասպեկտներին: Զրույցի ընթացքում ուսանողները հարցեր են ուղղել նախագահին 90-ական թվականների տարբեր իրողությունների, անձնական փորձառության և ներկայումս լրատվության ոլորտում առկա խնդիրների վերաբերյալ:
Հանրապետության նախագահը դրվագներ է ներկայացրել որպես Երևանի քաղաքապետ իր փորձառությունից, պատերազմի ու էներգետիկ ճգնաժամի պայմաններում քաղաքային կառավարման դժվարություններից:
Վահագն Խաչատուրյանը շեշտել է, որ որպես չորրորդ իշխանություն՝ լրագրողները յուրովի պատասխանատվություն ունեն երկրի կյանքում կատարվող իրադարձություններն առանց կեղծիքի և իրականությանը համահունչ լուսաբանելու և հանրությանը հավաստի տեղեկատվություն տրամադրելու տեսանկյունից:
Ծրագրի շրջանակում Factor TV-ում փորձաշրջան անցնող ուսանողները եռամսյա դասընթացների ընթացքում հանդիպումներ են ունենում հասարակական-քաղաքական տարբեր գործիչների հետ: Իսկ Հանրապետության նախագահի հետ ուսանողների հանդիպումներն ավանդական բնույթ են կրում․ նախորդ խմբի ուսանողներին էլ հյուրընկալել էր ՀՀ նախկին նախագահ Արմեն Սարգսյանը:
