16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
ԱՄՆ-ը փորձում է հանգստացնել դաշնակիցներին գաղտնի փաստաթղթերի արտահոսքից հետո. Politico
Քաղաքականություն
11.04.2023 | 22:29
Պենտագոնի գաղտնի փաստաթղթերի լայնածավալ արտահոսքից հետո ԱՄՆ բարձրաստիճան պաշտոնյաները փորձում են հանգստացնել շփոթված դաշնակիցներին՝ Եվրոպայից մինչև Մերձավոր Արևելք ու Կիև, գրում է Politico-ն։
Անցյալ շաբաթ արտահոսքի բացահայտումից հետո ԱՄՆ հետախուզության, Պետդեպարտամենտի և Պենտագոնի բարձրաստիճան պաշտոնյաները կապվել են այլ երկրների իրենց գործընկերների հետ՝ մեղմելու հետախուզության հրապարակումների վերաբերյալ մտահոգությունները։ Այս մասին պարբերականին հայտնել են տարբեր երկրների պաշտոնյաներ:
Լոնդոնի, Բրյուսելի, Բեռլինի, Դուբայի և Կիևի պաշտոնյաները սկսել են հարցեր ուղղել Վաշինգտոնին այն մասին, թե ինչպես է գաղտնի տեղեկատվությունը հայտնվել համացանցում, ով է պատասխանատու արտահոսքի համար և ինչ է անում ԱՄՆ-ն՝ ապահովելու, որ տեղեկատվությունը հեռացվի սոցցանցերից: Նաև հարց է բարձրացվում՝ արդյո՞ք Սպիտակ տունը քայլեր է ձեռնարկում ապագայում հետախուզական տեղեկատվության տարածումը սահմանափակելու համար։
Արտահոսքը հանգեցրել է դաշնակիցների հետ ԱՄՆ հարաբերությունների ճգնաժամի, և դեռ պարզ չէ՝ ինչպես է Վաշինգտոնը շտկելու իրավիճակը, որը շատերն արդեն անվանում են ամերիկյան հետախուզության ամենամեծ ձախողումներից մեկը՝ WikiLeaks կայքում գաղտնի փաստաթղթերի հրապարակումից ի վեր:
Տաթև Ֆռանգյան
