16.01.2026 | 12:47
UFC-ի նախագահն Արման Ծառուկյանին համեմատել է Ջոն Ջոնսի հետ
Թուրքիայում շահագործման է հանձնվել դեսանտային ամենամեծ TCG Anadolu նավը
Քաղաքականություն
10.04.2023 | 22:29
Թուրքական ռազմածովային նավատորմի դրոշակակիր TCG Anadolu դեսանտային նավը հպարտություն է ողջ Թուրքիայի համար, հայտարարել է նախագահ Ռեջեփ Թայիփ Էրդողանը` Ստամբուլում ելույթ ունենալով երկրի ամենամեծ ռազմանավի շահագործման հանձնելու արարողության ժամանակ, գրում է Անադոլուն։ Նա նշել է, որ TCG Anadolu-ն աշխարհում առաջին ռազմական նավն է, որը նախատեսված է հարվածային անօդաչու թռչող սարքեր տեղակայելու համար։
«Դեսանտային նավը ունի բոլոր հնարավորությունները՝ օգտագործվելու ռազմական և հումանիտար գործողություններում աշխարհի ցանկացած կետում: TCG Anadolu նավի շնորհիվ Թուրքիան կդառնա տեխնոլոգիաների, համակարգերի և լուծումների համաշխարհային առաջատարներից մեկը, որոնք փոխում են իրավիճակը տեղում»,- ասել է Էրդողանը։
Նա նշել է, որ նավի ծրագրի իրականացումը սկսվել է 2016 թ-ի ապրիլի 30-ին։ 2022 թվականի հունիսից շարունակվում են փորձարկումները։
«Նավը նախատեսված է 94 միավոր տեխնիկայի փոխադրման, այդ թվում՝ 13 տանկի, 27 ամֆիբիա զրահափոխադրիչի և 6 զրահափոխադրիչի համար։ Տախտակամածը կարող է տեղավորել 10 ուղղաթիռ և 11 հարվածային անօդաչու թռչող սարք։ Նավի պահեստը նախատեսված է 19 ուղղաթիռի ու 30 անօդաչուի համար»,-ասել է Էրդողանը։
Նրա խոսքով՝ վերջին երկու տասնամյակների ընթացքում թուրքական ռազմական համալիրը բեկում է կատարել, որը կարելի է հանգիստ անվանել «տեխնոլոգիական հեղափոխություն»: Էրդողանը հայտարարել է, որ այժմ երկրի պաշտպանական նախագծերի բյուջեն ավելի քան 60 մլրդ դոլար է։
Էմմա Չոբանյան
