14.12.2025 | 11:41
Ապարանի համայնքապետարանը՝ քամու պատճառած վնասների մասին
էգեյան ծովը «կուլ տվող խառնարանի» մասին կատակած գիտնականի նկատմամբ ստուգումներ են սկսվել Հունաստանում
Քաղաքականություն
06.04.2023 | 22:48
Հունաստանի դատախազությունը հանձնարարել է ստուգումներ անցկացնել գեոդինամիկայի ինստիտուտի ղեկավար Ակիս Ցելենտիսի նկատմամբ։ Նա ապրիլի 1-ին կատակել է Սանտորինի կղզու մոտակայքում գտնվող խառնարանի վերափոխման մասին, որը «կուլ կտա» Էգեյան ծովը: Գիտնականը Facebook-ում նման գրառում էր հրապարակել ապրիլի 1-ին։
Մասնավորապես, ապրիլի 1-ին Ցելենտիսը սոցցանցում գրել էր, որ գիտնականները, իբր, հայտնաբերել են հրաբխային կղզու տակ մագմայի աստիճանական անհետացում։
«Եթե դա տեղի ունենա, մենք կունենանք Էգեյան ծովի ջրերի կլանում, որը կվերածվի ծովածոցի: Իհարկե, դա իր առավելություններն ունի, քանի որ այդ դեպքում մենք կկարողանանք շատ կղզիներ գնալ ճանապարհով։ Դրա հավանականությունը չնչին չէ՝ գերազանցում է 30%-ը»,- գրել էր Ցելենտիսը։
Դատախազությունը նրան մեղադրել է կեղծիքներ տարածելու մեջ։
«Քանի որ ես չեմ ծխում, ինձ բանան կբերեք բանտ»,- հետաքննությանն արձագանքել է գիտնականը։
Նա քննադատել է երկրի իշխանություններին՝ ծիծաղի օրվա առիթով հումորի պատճառով հետաքննություն սկսելու համար, այն դեպքում, երբ «աշխարհում շատ ավելի լուրջ խնդիրներ կան»։
Տաթև Ֆռանգյան
