16.01.2026 | 12:47
UFC-ի նախագահն Արման Ծառուկյանին համեմատել է Ջոն Ջոնսի հետ
«Վահանակների պատերազմ». Ուկրաինա-Բելառուս սահմանին պատերազմի կադրեր են հեռարձակվում
Քաղաքականություն
06.04.2023 | 22:08
«Վահանակների պատերազմը» շարունակվում է Ուկրաինայի և Բելառուսի սահմանին։ Դրա որոշ հատվածներում հայտնվել են ուկրաինացի սահմանապահների կողմից տեղադրված էկրաններ, որոնք հեռարձակում են պատերազմի կադրեր, մասնավորապես՝ Բուչայից, և ուկրաինական քաղաքների վրա հարձակումների պահերը, գրում է BBC-ի ռուսական ծառայությունը։
Նշվում է, որ ցուցադրվում է նաև Ուկրաինայի նախագահ Վլադիմիր Զելենսկիի ուղերձը բելառուսներին՝ կոչով՝ չմասնակցել պատերազմին։
Ուկրաինայի և Բելառուսի սահմանապահների միջև կապի այս արտասովոր ձևի մասին առաջին անգամ հայտնի է դարձել մարտի կեսերին։ Այդ ժամանակ բելառուսական պետական ONT հեռուստաալիքը եթեր էր հեռարձակել մի պատմություն այն մասին, թե ինչպես է փոխվել սահմանապահների կյանքը Ուկրաինայի պատերազմի պատճառով: Պատմության մեջ Ժիտոմիրի շրջանի սահմանին գտնվող «Գլուշկևիչի» կետում աշխատող սահմանապահները դժգոհում էին ուկրաինացի գործընկերների հոգեբանական ճնշումներից։ Որպես օրինակ՝ պատմել էին մանեկենի հետ միջադեպի մասին, որը, իբր, կախել էին ծառից։
Հետագայում էլ տեղեկություններ տարածվեցին, որ ի պատասխան՝ բելառուսները սկսել են պաստառներ փակցնել, օրինակ՝ «Մենք կօգնենք Ուկրաինային գտնել իրական օկուպանտներին» գրառմամբ ամերիկյան դրոշի ֆոնին։
Էմմա Չոբանյան
