Քաղաքականություն
05.04.2023 | 14:18
Իրանի Սպահան նահանգի քաղաքականության, անվտանգության և հասարակության գծով փոխնահանգապետ Մոհամմադ Ռեզա Ջանեսարին հերքել է Սպահանում Իսլամական Հանրապետության Պաշտպանության նախարարության օբյեկտի վրա անօդաչու թռչող սարքով հարձակման մասին տեղեկությունը, որը, ենթադրաբար, տեղի է ունեցել չորեքշաբթի գիշերը, հաղորդում է ՌԻԱ Նովոստին:
«Մի շարք սոցցանցերի հրապարակած հաղորդագրությունները [անցած գիշեր Սպահանում պաշտպանության նախարարության օբյեկտի վրա անօդաչու թռչող սարքի հարձակման մասին] հավաստի չեն»,- Ջանեսարիի խոսքերն է մեջբերում գործակալությունը։
Ավելի վաղ Tasnim գործակալությունը հայտնել էր, որ չորեքշաբթի գիշերը Սպահանում Իրանի Պաշտպանության նախարարության օբյեկտը հարձակման է ենթարկվել անօդաչու թռչող սարքի կողմից, որը հետ է մղվել հակաօդային պաշտպանության համակարգի միջոցով։ Աղբյուրի տվյալներով՝ համալիրին մոտենալիս անօդաչու թռչող սարքը խոցվել է հակաօդային պաշտպանության համակարգի միջոցով, հարձակման հետևանքով որևէ վնաս չի եղել։
Տաթև Ֆռանգյան
