24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Իրանը հայտնել է ՊՆ օբյեկտներից մեկի վրա հարձակման փորձի մասին
Քաղաքականություն
05.04.2023 | 12:02
Իրանի իշխանությունները հայտնել են Սպահան նահանգում ՊՆ օբյեկտի վրա հարձակման փորձի մասին։ Այս մասին գրում է Tasnim գործակալությունը։
Ըստ աղբյուրի՝ ԱԹՍ-ն փորձել է հարվածել օբյեկտին, սակայն խոցվել է ՀՕՊ համակարգի կողմից և ՊՆ օբյեկտին վնաս չի հասցվել։
Իրանական լրատվամիջոցների տվյալներով՝ աա ՊՆ օբյեկտի վրա անօդաչու սարքերի միջոցով հարձակման առաջին փորձը չէ։ Հունվարի 29-ին IRNA գործակալությունը հայտնել էր, որ ուժեղ պայթյուն է տեղի ունեցել հանրապետության կենտրոնական մասում գտնվող Սպահան քաղաքում։
Ավելի ուշ Իրանի պաշտպանության նախարարությունը տեղեկացրեց, որ հունվարի 28-ին անօդաչու թռչող սարքի կիրառմամբ անհաջող հարձակում է իրականացվել գերատեսչության կենտրոններից մեկի վրա։ ԱԹՍ-ներից մեկը խոցվել է, մյուս երկուսն ընկել են պաշտպանական թակարդներն ու պայթել։ Միջադեպի հետևանքով զոհեր և վիրավորներ չեն գրանցվել է, պատճառվել է նյութական փոքր վնաս։
Տաթև Ֆռանգյան
