08.10.2026 | 11:42
Օտարերկրյա ռազմական կցորդներն այցելել են ՀՀ ՊՆ ռազմական ոստիկանություն
Ադրբեջանում աուտիզմով անձանց զորակոչում են բանակ
Քաղաքականություն
05.04.2023 | 22:30
Ապրիլի 2-ին Աուտիզմի իրազեկման համաշխարհային օրն էր։ Այս առիթով Սպուտնիկի ադրբեջանական ծառայությունը հրապարակում է արել՝ ներկայացնելով, թե ինչ խնդիրների են բախվում Ադրբեջանում աուտիզմ ունեցող մարդիկ։ Թեմայի վերաբերյալ մանրամասներ է պատմել Birgə və Sağlam հասարակական կազմակերպության հիմնադիր և ղեկավար Այթեն Էյնալովան, որի որդին ևս աուտիզմ ունի։
Էյնալովան հարցազույցում ներկայացրել է, թե հասարակական կյանքի տարբեր ոլորտներում ինչ խնդիրների են առնչվում աուտիզմ ունեցող անձինք։ Նա, մասնավորապես, խոսել է նաև զինված ուժերում խնդիրների մասին։
Էյնալովայի խոսքով՝ մեկ այլ լուրջ խնդիր է այն, որ Ադրբեջանում աուտիզմով անձինք զորակոչվում են զինվորական ծառայության։
«Մեր որդին պաշտոնապես գրանցված է որպես աուտիզմ ունեցող։ Մենք բազմիցս դիմել ենք համապատասխան մարմիններին, տարբեր կառույցների դուռը թակել, որպեսզի կարողանանք ապացուցել, որ նա պիտանի չէ զինվորական ծառայության համար։ Ցավոք, նման տղաներին մեր երկրում զորակոչում են բանակ։ Այստեղ անհրաժեշտ է օրենսդրության մեջ համապատասխան փոփոխություններ մտցնել»,- նշել է հասարակական կազմակերպության ղելավարը։
Հավելենք, որ ադրբեջանական զինված ուժերում տեղի ունեցած տարբեր միջադեպերը ցույց են տալիս, որ բանակ են զորակոչվում տարբեր այլ հիվանդություններ ու խնդիրներ ունեցող անձինք։
Մասնավորապես, վերջերս Աղդամի զորամասերից մեկում շարքային զինծառայողը ծառայողական զենքից արձակված կրակոցով սպանել էր իր հրամանատարին։ Ըստ տարածվող տեղեկությունների՝ զինծառայողը հոգեկան առողջության հետ կապված խնդիրներ ուներ։
Էմմա Չոբանյան
