14.12.2025 | 12:28
«ՀԷՑ»-ը տեղեկացնում է. ուժեղ քամիները հոսանքազրկումների պատճառ են դարձել
Թալիբներն արգելել են աֆղան կանանց աշխատել ՄԱԿ-ում
Քաղաքականություն
05.04.2023 | 22:05
Աֆղանստանի «Թալիբան» շարժման ներկայացուցիչները տեղեկացրել են ՄԱԿ-ին, որ արգելելու են կանանց աշխատել այդ կազմակերպությունում։ Այս մասին հայտնել է ՄԱԿ-ը՝ մեկնաբանելով կանանց իրավունքների և նրանց տեղաշարժման ազատության սահմանափակումների վերաբերյալ խմբավորման վերջին որոշումները, գրում է VOA-ն։
«ՄԱԿ-ի գլխավոր քարտուղարի համար նման արգելքներն անընդունելի են և, անկեղծ ասած, աներևակայելի։ Սա հերթական անհանգստություն հարուցող որոշումն է, որը խաթարում է մարդասիրական կազմակերպությունների կարողությունը՝ օգնություն ցուցաբերելու նրանց, ովքեր դրա կարիքն ունեն»,- լրագրողներին հայտարարել է ՄԱԿ-ի գլխավոր քարտուղարի մամուլի խոսնակ Ստեֆան Դյուժարիկը:
Ավելի վաղ ՄԱԿ-ն արդեն իր անհանգստությունն էր հայտնել նման արգելք սահմանելու հնարավորության վերաբերյալ։
Հունվարին գլխավոր քարտուղարի տեղակալ Ամինա Մուհամեդը բարձրաստիճան պատվիրակության ուղեկցությամբ այցելել է Աֆղանստանի Քաբուլ, Քանդահար և Հերատ քաղաքներ՝ թալիբների հետ քննարկելու մի շարք հրամանագրեր, որոնք սահմանափակում են կանանց և աղջիկների իրավունքները, մասնավորապես՝ դպրոցներում և համալսարաններում սովորելու և տնից դուրս աշխատելու հետ կապված:
Տաթև Ֆռանգյան
