12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
ԱՄՆ-ն Ուկրաինային ռազմական օգնության նոր փաթեթ է հատկացնում
Քաղաքականություն
04.04.2023 | 22:51
Միացյալ Նահանգները հայտարարել է Ուկրաինային նոր՝ 2,6 միլիարդ դոլարի ռազմական օգնության փաթեթ հատկացնելու մասին: Այս մասին գրում է DW-ի ռուսական ծառայությունը։
Ըստ ԱՄՆ Պաշտպանության նախարարության մամուլի ծառայության՝ փաթեթը բաղկացած է երկու մասից։ Առաջինը՝ 2,1 միլիարդ դոլարով, ֆինանսավորվում է Ուկրաինայի անվտանգությանն աջակցության նախաձեռնության կողմից (USAI), որը զենք է պատվիրում արտադրողներից, այլ ոչ թե վերցնում է ԱՄՆ ռազմական պաշարներից: USAI-ի շրջանակում Ուկրաինան, ի թիվս այլ բաների, կստանա լրացուցիչ զինամթերք NASAMS շարժական հակաօդային պաշտպանության համակարգերի, օդային հսկողության ռադարների և Javelin հակատանկային համակարգերի համար:
Մնացյալ գումարը՝ հիմնականում զինամթերքի համար, կտրամադրվի նախագահի սպառազինությունների կրճատման նախաձեռնությանը, որը թույլ է տալիս ԱՄՆ առաջնորդին արտակարգ իրավիճակներում զենք փոխանցել ԱՄՆ պահեստներից: Առաքումը կներառի լրացուցիչ զինամթերք Patriot զենիթահրթիռային համակարգերի և HIMARS բազմակի արձակման հրթիռային համակարգերի համար։
Պենտագոնի ղեկավար Լլոյդ Օսթինի խոսքով՝ տարվա ընթացքում ԱՄՆ-ն Ուկրաինային տրամադրել է 32 միլիարդ դոլարի ռազմական օգնություն, իսկ դաշնակիցները հատկացրել են ավելի քան 20 միլիարդ դոլար գումար:
