22.01.2026 | 10:49
Հայաստանի հավաքականն ընկերական հանդիպում կանցկացնի Բելառուսի հետ․ աղբյուր
«Երկիր Ծիրանին» կոչ է անում քաղաքացիներին պահանջել Տարոն Մարգարյանի և ՀՀԿ Երևան քաղաքի ավագանու լուծարումը
Քաղաքականություն
25.06.2018 | 13:30
Երևանի ավագանու «Երկիր Ծիրանի» խմբակցության ղեկավար Զարուհի Փոստանջյանը հայտարարություն է տարածել, որով կոչ է անում քաղաքացիներին պահանջել Տարոն Մարգարյանի և Հայաստանի Հանրապետական կուսակցության (ՀՀԿ) Երևան քաղաքի ավագանու լուծարում:
Վաղը՝ 2018 թվականի հունիսի 26-ին, տեղի կունենա Երևան քաղաքի ավագանու հերթական նիստը:
Երևանի ավագանու հերթական նիստի օրակարգում ընդգրկված է 8 հարց, որոնցից և ոչ մեկը, ըստ էության, քաղաքացիների խնդիրների հետ առնչություն չունեն:
Սույն ավագանու ձևավորման իսկ օրվանից Երևանի ավագանու «Երկիր Ծիրանի» խմբակցությունը դատական կարգով վիճարկել և շարունակում է վիճարկել Տարոն Մարգարյանի կողմից կատարված ապօրինությունները:
Հաշվի առնելով այդ հանգամանքը՝ Երևանի ավագանու «Երկիր Ծիրանի» խմբակցությունը կոչ է անում քաղաքացիներին, որպեսզի գան և մասնակցեն նիստին՝ պահանջելով Տարոն Մարգարյանի և Հայաստանի Հանրապետական կուսակցության (ՀՀԿ) Երևան քաղաքի ավագանու լուծարում:
Հարգանոք՝
Զարուհի Փոստանջյան
Երևանի ավագանու «Երկիր Ծիրանի» խմբակցության ղեկավար
