26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
Աթեշյանը շնորհավորել է Էրդողանին
Քաղաքականություն
25.06.2018 | 12:09
Պոլսի hայոց պատրիարքի փոխանորդ Արամ արքեպիսկոպոս Աթեշյանը շնորհավորել է Ռեջեփ Թայիփ Էրդողանին նախագահական ընտրություններում տարած հաղթանակի համար. տեղեկացնում է ermenihaber-ը:
Աթեշյանը շնորհավորական նամակում գրել է, որ անցկացված ընտրությունները Թուրքիայի ժողովրդավարության ճանապարհին նոր փուլ են բացում:
Էրդողանին բնորոշելով որպես Թուրքիայի ներկայիս շրջանի անվիճելի առաջնորդ ու հերոս՝ Աթեշյանը հայտնել է, որ գոհունակությամբ են ընդունել նախագահի պաշտոնում նրա վերընտրվելը:
Պատրիարքի փոխանորդը հույս է հայտնել, որ այս ընտրություններով հաստատված նախագահական կառավարման համակարգի շնորհիվ փոքրամասնությունների խնդիրներն ավելի օպերատիվ կլուծվեն:
Էրդողանին շնորհավորել են նաև կրոնական այլ համայնքների առաջնորդները: Շնորհավորական ուղերձ է հղել նաև հայ կաթոլիկ համայնքի առաջնորդ Լևոն Զեքիյանը:
