15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Փարիզում կարգելեն էլեկտրական ինքնագլորների վարձույթը
Քաղաքականություն
03.04.2023 | 22:59
Ֆրանսիայի մայրաքաղաքում կարգելվի էլեկտրական ինքնագլորների վարձույթը։ Կիրակի կայացած քաղաքային հանրաքվեով Փարիզի բնակիչների շուրջ 90%-ը սատարել է այս նախաձեռնությանը, գրում է Euronews-ը։
Քվեարկությունը, որին մասնակցել է մոտ 100 հազար մարդ, խորհրդատվական բնույթ է կրել, ուստի վերջնական որոշումը պետք է քաղաքային իշխանություններինը լինի։
Փարիզի քաղաքապետ Անն Իդալգոն ասել է, որ էլեկտրական ինքնագլորների վարձույթը կդադարեցվի սեպտեմբերի 1-ից: Ըստ արգելքի կողմնակիցների՝ էլեկտրական ինքնագլորների վարձակալները «դրանք նետում են՝ որտեղ պատահի» և վտանգավոր իրավիճակներ են ստեղծում հետիոտնի և տրանսպորտային միջոցների համար:
Նշվում է, որ արգելքը չի տարածվի անձնական էլեկտրական ինքնագլորների վրա։
Տեղական լրատվամիջոցների տվյալներով՝ 2022 թվականին Փարիզում էլեկտրական ինքնագլորների հետ կապված միջադեպերի հետևանքով տուժել է 456 մարդ, 3-ը՝ մահացել։ Սա զգալիորեն ավելին է, քան 2020 և 2021 թվականներին։
Մասնագետները վնասվածքների հիմնական պատճառներից նշվում են արագ վարելու սիրահարների շրջանում սաղավարտներ չկրելը։
Ներկայում Փարիզում կա 15,000 էլեկտրական ինքնագլոր: Սրա հետ մեկտեղ, սպառվել է յուրաքանչյուր երրորդ ինքնագլորի վարձակալության լիցենզիայի ժամկետը։
Տաթև Ֆռանգյան
