15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
«Ես դեռ ողջ եմ»․ Հռոմի պապ Ֆրանցիսկոսը դուրս է գրվել հիվանդանոցից
Քաղաքականություն
01.04.2023 | 18:50
Հռոմի պապ Ֆրանցիսկոսը շաբաթ օրը դուրս է գրվել հիվանդանոցից, որտեղ մարտի 29-ին հոսպիտալացվել էր շնչառական վարակով: Հիվանդանոցից դուրս գալիս նա կատակով հայտարարել է, որ «դեռ ողջ է»։
Ֆրանցիսկոսը հոսպիտալացվել էր «Ջեմելլի» հիվանդանոց՝ դժվարաշնչությամբ: Ավելի ուշ նրա մոտ բրոնխիտ են ախտորոշել։ Ընդ որում, հովվապետի մոտ կորոնավիրուս չի հաստատվել։
Ավելի վաղ Վատիկանում հայտարարել էին, որ Հռոմի պապը հակաբիոտիկներ է ընդունում և շաբաթ օրը դուրս կգրվի թեստերի լավ արդյունքների դեպքում:
«Ես չեմ վախենում, ես դեռ ողջ եմ»,- BBC-ի ռուսական ծառայության փոխանցմամբ՝ Վատիկան մեկնելուց առաջ լրագրողներին ասել է 86-ամյա քահանայապետը:
