22.11.2024 | 23:22
Կացնով կտրելու եմ․ Փաշինյանը՝ ծառայողական մեքենաների թվի կրճատման մասին․ ՏԵՍԱՆՅՈՒԹ
Չինաստանի արդյունաբերական աճը դանդաղել է
Քաղաքականություն
31.03.2023 | 23:19
Չինաստանի տնտեսությունը շարունակում է վերականգնվել կորոնավիրուսային խիստ սահմանափակումների վերացումից հետո, սակայն դրա տեմպերը դանդաղել են. մարտին արդյունաբերական ձեռնարկությունների ոլորտում Գնումների մենեջերների ինդեքսը (PMI) 52,9-ից իջել է 51,9 կետի։ Այս տվյալները մարտի 31-ին հրապարակել է ՉԺՀ-ի պետական վիճակագրական ծառայությունը։ Փորձագետներն ավելի զգալի անկում էին կանխատեսում, գրում է DW-ի ռուսական ծառայությունը։
«Չինաստանի արտադրական ոլորտը երեք ամիս անընդմեջ գտնվում է ընդլայնման միջակայքում, ինչը երկրի կայուն տնտեսական վերականգնմանը համապատասխան ցուցանիշ է»,- գրել է չինական «Սինհուա» լրատվական գործակալությունը:
Հանրապետությունում արտադրական և օպերացիոն գործունեության զարգացման հեռանկարների ցուցանիշը կազմել է 55,5։ Մինչդեռ ոչ արտադրական ճյուղերում Գնումների մենեջերների ինդեքսը (PMI) մարտին, փետրվարի համեմատ, աճել է 1,9 կետով՝ հասնելով 58,2 կետի։
Հավելենք, որ 50-ից բարձր PMI ցուցանիշը ցույց է տալիս արդյունաբերության աճ, մինչդեռ 50-ից ցածր ցուցանիշները ցույց են տալիս ակտիվության նվազում:
Տաթև Ֆռանգյան
