27.06.2026 | 01:05
ԱԱ-2026. Դեմբելեի հեթ-տրիկը հաղթանակ բերեց Ֆրանսիային, Սենեգալը խփեց 5 գոլ. ՏԵՍԱՆՅՈՒԹ
Վրաստանի նախագահը կոչ է արել պարզեցնել ՌԴ-ից վերադարձած վրացիներին քաղաքացիության տրամադրումը
Քաղաքականություն
31.03.2023 | 22:56
Վրաստանի նախագահ Սալոմե Զուրաբիշվիլին հայտարարել է Ռուսաստանից հայրենիք վերադարձած բնիկներին վրացական քաղաքացիությունը վերադարձնելու ընթացակարգը պարզեցնելու անհրաժեշտության մասին, գրում է ՏԱՍՍ-ը։
«Ազգային շահը պահանջում է, որ մենք չկորցնենք 1991 թվականի հանրաքվեին մասնակցած ոչ մի վրացու, և չկորցնենք նրանց ժառանգներին: Սա նշանակում է, որ մենք պետք է ավելի դյուրին դարձնենք քաղաքացիություն ստանալը մեր էմիգրանտների համար, մեր օկուպացված տարածքներում բնակվող բնակչության համար, և այսօր նրանց համար, ովքեր վերադարձել են Ռուսաստանից: Սա նրանց համար ավելի կարևոր է, քան օդային հաղորդակցության վերականգնումը»,- խորհրդարանում տարեկան զեկույցը ներկայացնելիս ասել է Զուրաբիշվիլին:
Գործող օրենսդրության համաձայն՝ Վրաստանի նախկին քաղաքացին, որը կորցրել է հանրապետության քաղաքացիությունը՝ այլ երկրի քաղաքացիություն ստանալու պատճառով, իրավունք ունի դիմել Արդարադատության նախարարություն՝ վրացական անձնագիրը վերադարձնելու խնդրանքով։ Հաճախ այն դիմորդներին, ովքեր ծնվել են Վրաստանում և երկար տարիներ ապրել են երկրում, մերժում են՝ չնայած լեզվի, պատմության թեստ հանձնելուն:
Տաթև Ֆռանգյան
