Քաղաքականություն
31.03.2023 | 22:15
Ուկրաինայում արևմտյան խաղաղապահների տեղակայման հնարավորության քննարկումը պոտենցիալ շատ վտանգավոր թեմա է: Այս մասին հայտարարել է ՌԴ նախագահի մամուլի խոսնակ Դմիտրի Պեսկովը, գրում է ՌԻԱ Նովոստին։
Ավելի վաղ Հունգարիայի վարչապետ Վիկտոր Օրբանը հայտարարել էր, որ ԵՄ երկրները մոտ են Ուկրաինա խաղաղապահ զորքեր ուղարկելու թեմայի քննարկմանը, որից նախկինում խուսափում էին։
«Այդ հայտարարությանը, որը շատ կարևոր է, ուշադրություն է դարձվել։ Եթե խոսքն արդեն իսկ լուրջ բանակցությունների մասին է, ապա դա պոտենցիալ չափազանց վտանգավոր քննարկում է։ Դուք գիտեք, որ համաշխարհային պրակտիկայում նման ուժերը, որպես կանոն, օգտագործվում են երկու կողմերի համաձայնությամբ, այս դեպքում սա պոտենցիալ շատ վտանգավոր թեմա է»,- լրագրողների հետ զրույցում ասել է Պեսկովը։
Էմմա Չոբանյան
