15.12.2025 | 13:49
Ուիթկոֆը հայտարարել է Բեռլինում Զելենսկիի հետ բանակցություններում «նշանակալի առաջընթացի» մասին
Թուրքիայի խորհրդարանում այսօր կքննարկվի ՆԱՏՕ-ին Ֆինլանդիայի միանալու հայտը
Քաղաքականություն
30.03.2023 | 14:50
Թուրքիայի Ազգային մեծ ժողովի Գլխավոր ասամբլեայում այսօր կքննարկվի ՆԱՏՕ-ին Ֆինլանդիայի միանալու հայտի հաստատման մասին օրինագիծը։ Այս մասին Անադոլու գործակալությանը հայտնել է իշխող «Արդարություն և զարգացում» կուսակցության խորհրդարանական խմբի փոխնախագահ Յըլմազ Թունչը։
Հիշեցնենք, որ մարտի 23-ին Թուրքիայի խորհրդարանի արտաքին հարաբերությունների հանձնաժողովը հավանություն էր տվել օրինագծին, որը վավերացնում է ՆԱՏՕ-ին անդամակցելու՝ Ֆինլանդիայի հայտը։
Հավելենք, որ մարտի 17-ին Անկարայում Ֆինլանդիայի նախագահի հետ հանդիպմանը Թուրքիայի նախագահ Ռեջեփ Էրդողանը հայտարարել էր, որ թուրքական կողմը սկսում է Հելսինկիի հայտի վավերացման գործընթացը։ Մարտի 23-ին էլ Ֆինլանդիայի նախագահ Սաուլի Նիինիստոն կառավարության նիստի ժամանակ ստորագրել էր Հյուսիսատլանտյան դաշինքին միանալու մասին օրենքները։
Էմմա Չոբանյան
