06.06.2026 | 21:45
Հենրիխ Մխիթարյան․ Որպես ՀՀ քաղաքացի՝ հունիսի 7-ին պարտավոր եմ մասնակցել ընտրությանը
Հում նավթի հին համաշխարհային կարգն անհետանում է․ Forbes-ը մեծ իրադարձություն է կանխատեսում
Քաղաքականություն
29.03.2023 | 21:58
Վերջերս Ռուսաստանի էներգետիկայի նախարար Նիկոլայ Շուլգինովը հայտարարել է, որ Ռուսաստանի Դաշնությանը հաջողվել է պատժամիջոցների տակ հայտնված հում նավթի բոլոր արտահանումները վերաուղղորդել դեպի ոչ արևմտյան երկրներ։ Ամերիկացի վերլուծաբան Դեյվիդ Բլեքմոնի կարծիքով՝ այս լուրը մի տեսակ ազդանշան է, որը կանխատեսում է մեծ իրադարձություն, որը կարող է տեղի ունենալ արդեն սեպտեմբերին, գրում է Forbes-ը։
«Կասկած չկա, որ Ռուսաստանի գործընկերները BRICS-ի աճող դաշինքում (Բրազիլիա, Ռուսաստան, Հնդկաստան, Չինաստան, Հարավային Աֆրիկա) կարևոր դեր են խաղացել՝ օգնելով Ռուսաստանի կառավարությանը հասնել այդ արդյունքին, և ոչ մի երկիր ավելի մեծ հետաքրքրություն չի ցուցաբերել BRICS խմբի անդամների հետ բիզնես վարելու հարցում, քան Սաուդյան Արաբիան վերջին ամիսներին»,- նշում է Դեյվիդ Բլեքմոնը:
Սաուդյան Արաբիան շահագրգռվածություն է հայտնել Չինաստանի հետ նավթի առևտուր անել՝ դոլարի փոխարեն չինական յուանով։ Նման քայլը մարտահրավեր կլինի գոյություն ունեցող կարգին, որը ենթադրում է նավթի միջազգային առևտրում միայն ԱՄՆ արժույթի օգտագործումը. սա, ըստ էության, դոլարի հիմքն է՝ որպես միջազգային վճարման և խնայողությունների միջոց։
Տաթև Ֆռանգյան
