06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Եթե Ադրբեջանի կողմից գարնանը հարձակում տեղի չունենա, մեր առաքելությունն արդեն հաջողված է․ ԵՄ քաղաքացիական առաքելության ղեկավար
Քաղաքականություն
29.03.2023 | 11:22
Ադրբեջանի ԱԳՆ խոսնակ Այխան Հաջիզադեն նյարդային է արձագանքել ՀՀ-ում տեղակայված ԵՄ քաղաքացիական առաքելության ղեկավար Մարկուս Ռիտերի հայտարարությանը։
Նշենք, որ Ռիտերը գերմանական DW-ի հետ հարցազրույցում խոսել էր Ադրբեջանի հնարավոր նոր ագրեսիայի մասին։
«Շատ հայեր կարծում են, որ Ադրբեջանի կողմից գարնանային հարձակում կլինի: Եթե դա տեղի չունենա, մեր առաքելությունն արդեն հաջողված է»,- ասել էր նա։
Ադրբեջանի ԱԳՆ-ն դժգոհությամբ է արձագանքել այս հայտարարությանը։
«Մենք խստորեն դատապարտում ենք այն փաստը, որ ԵՄ քաղաքացիական առաքելության ղեկավարը, հիմնվելով հայկական կողմի «կեղծ և զրպարտչական հայտարարությունների վրա», կարծիք է հայտնել, որ Ադրբեջանը, իբր, պատրաստվում է հարձակման, և ԵՄ առաքելության հիմնական խնդիր է ներկայացրել Հայաստանի պաշտպանությունն Ադրբեջանից։ Մենք բազմիցս ընդգծել ենք այս առաքելության չարաշահումները կանխելու անհրաժեշտությունը՝ ուղղված Ադրբեջանի և Հայաստանի միջև հարաբերությունների կարգավորման գործընթացը խաթարելուն»,- ասել է Հաջիզադեն՝ հավելելով, որ առաքելությունը պետք է գործի իր մանդատին համապատասխան։
Էմմա Չոբանյան
