Քաղաքականություն
28.03.2023 | 23:10
Ֆրանսիայում երեքշաբթի խուզարկություններ են անցկացվել 5 խոշոր բանկերի գրասենյակներում՝ կապված հարկային խարդախության կասկածների հետ։ Այս մասին գրում է Interfax-ը՝ հղում անելով MarketWatch-ին:
Դատախազությունը հաստատել է ավելի վաղ Le Monde-ի հրապարակման մեջ հայտնված տեղեկությունը HSBC Holdings-ի, Natixis-ի, Societe Generale-ի, BNP Paribas-ի և Exane-ի (BNP-ի դուստր ձեռնարկություն) գրասենյակներում խուզարկությունների մասին:
Ստուգումներին մասնակցել են նաև Գերմանիայի դատախազության ներկայացուցիչները։
Իշխանությունները կասկածում են բանկերին խարդախության սխեմային մասնակցելու մեջ, ըստ որի՝ բաժնետոմսերի սեփականատերերը դրանք փոխանցել են այլ անձանց շահաբաժինների վճարման ամսաթվին, ովքեր շահաբաժինների հարկից ավելի մեծ հարկի վերադարձման իրավունք ունեն: Այնուհետեւ բաժնետոմսերը վերադարձվել են, իսկ ստացված եկամուտը բաժանվել է սխեմայի մասնակիցների միջև։
SocGen-ի բաժնետոմսերը երեքշաբթի սակարկությունների ժամանակ էժանացել են 2,6%-ով, BNP-ինը՝ 1,5%-ով, HSBC-ինը՝ 0,8%-ով։
