15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Թուրքիայում և Սիրիայում ավելի քան 820 հազար մարդ կորցրել է եկամտի աղբյուրն ավերիչ երկրաշարժերի պատճառով
Քաղաքականություն
28.03.2023 | 23:29
Փետրվարի ավերիչ երկրաշարժերի հետևանքով Թուրքիայում ավելի քան 658 հազար մարդ, իսկ Սիրիայում՝ մոտ 170 հազար մարդ կորցրել է իր եկամտի աղբյուրը։ Այս մասին հայտնում է Աշխատանքի միջազգային կազմակերպությունը (ԱՄԿ), գրում է ՏԱՍՍ-ը։
«Նախնական տվյալներով՝ երկրաշարժի հետևանքով Թուրքիայում ավելի քան 658.000 աշխատող չի կարողանում օրվա հացը վաստակել։ Սիրիայում, որտեղ 12 տարվա քաղաքացիական պատերազմն արդեն իսկ հսկայական վնաս է հասցրել տնտեսությանը և աշխատաշուկային, մոտ 170,000 աշխատակից կորցրել է աշխատանքը երկրաշարժերի հետևանքով»,- նշել են զեկույցի հեղինակները։
Սա «անմիջականորեն վերաբերվել է մոտ 154,000 տնային տնտեսությունների և ավելի քան 725,000 մարդու», տուժել է մոտ 35,000 միկրո, փոքր և միջին ձեռնարկություն։
ԱՄԿ-ն կանխատեսում է աղքատության աճ Թուրքիայում և Սիրիայում, եթե հրատապ և նպատակային աջակցություն չտրամադրվի այն բնակիչներին, ովքեր կորցրել են իրենց եկամուտը երկրաշարժերի պատճառով։
Տաթև Ֆռանգյան
