08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Մինսկը մեկնաբանել է Բելառուսում միջուկային զենք տեղակայելու` Ռուսաստանի ծրագրերը
Քաղաքականություն
28.03.2023 | 16:53
Բելառուսի ԱԳ նախարարությունը պարզաբանել է, թե ինչու, ըստ Մինսկի, Ռուսաստանի Դաշնության տակտիկական միջուկային զենքի հատուկ պահեստարանի կառուցումը չի հակասում Միջուկային զենքի չտարածման պայմանագրին: Այս մասին գրում է DW-ի ռուսական ծառայությունը։
Ըստ Բելառուսի ԱԳՆ կայքում հրապարակված հայտարարության՝ բելառուս օդաչուների ուսուցանումը հատուկ ռազմամթերքով ինքնաթիռները կառավարել համար, նման ինքնաթիռների արդիականացմանը, ինչպես նաև Բելառուսի տարածքում միջուկային սպառազինության տեղակայումը՝ առանց Բելառուսին դրանք վերահսկելու իրավունքի փոխանցման, ինչպես նաև համապատասխան տեխնոլոգիաներին հասանելիության, «ոչ մի կերպ չեն հակասում Միջուկային զենքի չտարածման I և II պայմանագրերին»։
«Բելառուսի և Ռուսաստանի միջև ռազմական համագործակցությունն իրականացվում է միջազգային իրավունքին խստիվ համապատասխան»,- հայտարարել է Մինսկը՝ հավելելով, որ ձեռնարկվող քայլերը «նորամուծություն» չեն։
Հիշեցնենք, որ անցած շաբաթ ՌԴ նախագահ Վլադիմիր Պուտինը «Մոսկվա, Կրեմլ, Պուտին» ծրագրին տված հարցազրույցում հայտարարել էր, որ Բելառուսի նախագահ Ալեքսանդր Լուկաշենկոյի հետ պայմանավորվել է «մոտ ապագայում» Բելառուսի տարածքում ռուսական մարտավարական միջուկային զենք տեղակայելու մասին։ Միաժամանակ, Պուտինն ասել է, որ Ռուսաստանը մարտավարական միջուկային զենք չի փոխանցում Բելառուսին։
Տաթև Ֆռանգյան
