04.11.2024 | 23:04
Ադրբեջանի ՊՆ ղեկավարը Սլովակիայում ռազմատեխնիկական համագործակցության հարցեր է քննարկել
Ղազախստանի խորհրդարանական ընտրություններում իշխող «Ամանաթ» կուսակցությունը ձայների մեծամասնություն է ստացել
Քաղաքականություն
27.03.2023 | 16:53
Գրանցված յոթ կուսակցություններից վեցը տեղ են ապահովել Ղազախստանի Մաժիլիսում (խորհրդարանի ստորին պալատ) մարտի 19-ի ընտրություններից հետո։ Tengrinews.kz-ի հաղորդմամբ՝ իշխող «Ամանաթ» կուսակցությունը (նախկին նախագահ Նուրսուլթան Նազարբաևի «Նուր Օթան» կուսակցությունը) ստացել է ամենաշատ մանդատները՝ հավաքելով ձայների 53,90%-ը։
Երկրորդ տեղը, ըստ ԿԸՀ-ի հաշվարկի արդյունքների, ընտրողների 10,90 տոկոսով զբաղեցրել է «Աույլ» հայրենասիրական կուսակցությունը, որին հաջորդում է «Ռեսպուբլիկա» կուսակցությունը՝ ձայների 8,59 տոկոսով։
Բացի այդ, հինգ տոկոսի արգելքը հաղթահարել են «Ակ Ժոլ» կուսակցությունը (8,41 տոկոս ձայն), Ղազախստանի ժողովրդական կուսակցությունը (ձայների 6,80 տոկոսը) և ընդդիմադիր Ազգային սոցիալ-դեմոկրատական կուսակցությունը (ձայների 5,20 տոկոսը)։
Հիշեցնենք՝ Ղազախստանի նախագահ Կասիմ-Ժոմարտ Տոկաևը հունվարին հայտարարեց արտահերթ խորհրդարանական ընտրությունների անցկացման մասին՝ որպես արդիականացման գործընթացի մաս, որը նա սկսել էր 2022 թվականի սկզբին զանգվածային հակակառավարական ցույցերից և անկարգություններից հետո:
Տաթև Ֆռանգյան
