09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
Սպորտի նախարարության պաշտոնյան մասնակցել է ԱլԳ բազմակողմ համագործակցության 4-րդ պլատֆորմին
22.06.2018 | 18:45
ՀՀ սպորտի և երիտասարդության հարցերի նախարարության աշխատակազմի երիտասարդական քաղաքականության վարչության պետ Թամարա Թորոսյանը մասնակցել է Բրյուսելում տեղի ունեցած Արևելյան գործընկերության բազմակողմ համագործակցության 4–րդ պլատֆորմի («Շարժունակություն և մարդկանց միջև շփումներ») հանդիպմանը, որտեղ հանդես է եկել երիտասարդների զբաղվածության ժամանակակից մարտահրավերների վերաբերյալ ելույթով՝ ներկայացնելով Հայաստանի Հանրապետության երիտասարդների զբաղվածության հիմնախնդիրների ուսումնասիրությունը և դրանց լուծմանն ուղղված ՀՀ պետական երիտասարդական քաղաքականության քայլերը:
Թամարա Թորոսյանը մասնակցել է «Երիտասարդություն և կրթություն», «Երիտասարդների զբաղվածությունը և կրթությունից աշխատանքի անցումը» թեմաներով քննարկումներին, նաև հանդիպումներ է ունեցել Եվրոպական միության երիտասարդական քաղաքականության պատասխանատուների հետ. «Հայաստանի Հանրապետությունը ձգտում է առավել դինամիկ զարգացնել ԵՄ-ի հետ երիտասարդության ոլորտում միջազգային համագործակցությունը»,- եվրոպացի գործընկերներին է փոխանցել Թ. Թորոսյանը:
