15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
«Մեր ջուրը տալիս են պաշտոնյաներին»․ Ադրբեջանում գյուղացիները ջրի դեֆիցիտի պատճառով կրկին ճանապարհներ են փակել
Քաղաքականություն
27.03.2023 | 21:53
Ադրբեջանի Սաաթլիի շրջանի Չոլփու գյուղի բնակիչները բողոքի ակցիա են անցկացրել՝ բողոքելով ոռոգման ջրի բացակայությունից, գրում են տեղական լրատվամիջոցները։
Նշվում է, որ նրանք փակել են «Չորս ճանապարհ» շրջանային խաչմերուկը և պահանջել լուծել սակավաջրության երկարամյա խնդիրը։
Մարտի 13-ին շրջանի բնակիչներն արդեն բողոքի ակցիա անցկացրել էին, սակայն ոստիկանները բիրտ ուժով ցրել են այն՝ կիրառելով նաև հատուկ միջոցներ ու ռետինե փամփուշտներ, որոնց հետևանքով երեք մարդ էր վիրավորվել։ Երեք ցուցարարի նկատմամբ էլ վարչական կալանք էր սահմանվել։ Տեղական իշխանությունները, սակայն, չեն կատարել խնդիրը լուծելու խոստումները։
Ակցիայի մասնակիցները հայտարարել էր, որ ստիպված են ջուր գնել բերքի ոռոգման համար։
«Հարևան գյուղերին ջուր են մատակարարում, բայց մեր ջուրը տալիս են պաշտոնյաներին»,- ասել է ցուցարարներից մեկը։
Ակցիայի մասնակիցները դժգոհել են, որ պետական կառույցները չեն հետաքրքրվում իրենց խնդիրներով։ Ըստ տեղեկությունների՝ այս անգամ ոստիկանների հետ միջադեպ չի եղել։
Հավելենք, որ Ադրբեջանում Կուր գետը շարունակում է ծանծաղել, ինչն էլ խնդիրներ է ստեղծում տարբեր շրջանների բնակիչների համար։
Էմմա Չոբանյան
