08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Գործադուլները կաթվածահար են արել Գերմանիան
Քաղաքականություն
27.03.2023 | 16:38
Գերմանիան այսօր արթնացել է կաթվածահար տրանսպորտային ոլորտի աշխատակիցների գործադուլի պատճառով։ Օդանավակայանների, երկաթուղային, ծովային բեռնափոխադրումների, ավտոմոբիլային ընկերությունների, տեղական տրանսպորտի աշխատակիցները մտադիր են 24 ժամ գործադուլ անել, գրում է Euronews-ը։
Շաբաթներ շարունակ արհմիությունները պահանջում են աշխատավարձերի 10%-ից ավելի բարձրացում՝ վերջին տարիներին կորցրած գնողունակությունը վերականգնելու համար։ Գործատուներն իրենց հերթին առաջարկում են 5% բարձրացում՝ 1000 և 1500 եվրո միաժամանակյա երկու վճարների չափով։
Ներկայիս զանգվածային գործադուլը Գերմանիայում աճող սոցիալական լարվածության ցուցանիշ է։ Տարեսկզբից երկրում տարբեր ոլորտներում պարբերաբար գործադուլներ են անցկացվում՝ կապված աշխատավարձերից դժգոհությունների հետ։
Գերմանիայում գներն աճում են ավելի քան մեկ տարի, իսկ փետրվարին գնաճը հասել է 8,7 տոկոսի։ Միևնույն ժամանակ, իրական աշխատավարձերը 2014-ից մինչև 2021 թվականը համակարգված կերպով աճել են՝ բացառությամբ 2020 թվականի համաճարակի։ Սա խաթարվել է 2022 թվականի գնաճով՝ 3,1% աշխատավարձերի կրճատմամբ։
Տաթև Ֆռանգյան
