15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Հյուսիսային Կորեան կրկին հրթիռներ է արձակել Ճապոնական ծովի ուղղությամբ
Քաղաքականություն
27.03.2023 | 17:42
Հյուսիսային Կորեայի զինված ուժերը մարտի 27-ի առավոտյան կարճ հեռահարության առնվազն երկու բալիստիկ հրթիռ են արձակել, հայտնում է Հարավային Կորեայի բանակի շտաբի պետերի միացյալ շտաբը։ Հրթիռներն արձակվել են դեպի Ճապոնական ծով, փոխանցում է DW-ի ռուսական ծառայությունը։
Ճապոնիայի Պաշտպանության նախարարությունը հաստատել է հրթիռների արձակման մասին տեղեկությունը և նշել, որ դրանք թռել են մոտ 350 կմ՝ ընկնելով ջուրը։ Այդ կապակցությամբ Տոկիոն խստորեն բողոքել է Հյուսիսային Կորեայի նման գործողությունների դեմ։ Ճապոնիան նշել է, որ Հյուսիսային Կորեայի բալիստիկ հրթիռների փորձարկումները խախտում են ՄԱԿ-ի Անվտանգության խորհրդի բանաձևերը, որոնք արգելում են Փհենյանին դա անել։
Տարածաշրջանում մարտի 23-ին ավարտվել են Հարավային Կորեայի և ԱՄՆ-ի վերջին տարիների ամենախոշոր համատեղ զորավարժությունները, որոնք շարունակվում էին մարտի 13-ից։
Զորավարժությունների ընթացքում Փհենյանը մեկ շաբաթվա ընթացքում առնվազն հինգ հրթիռ է արձակել դեպի ծով, այդ թվում՝ ռազմավարական բալիստիկ հրթիռներ և առնվազն մեկ հեռահար հրթիռ:
Տաթև Ֆռանգյան
