07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
«Սասնա ծռեր» խմբի անդամներից Թաթուլ Թամրազյանի և Գևորգ Իրիցյանի խափանման միջոցը չփոխվեց․ նրանք կմնան կալանքի տակ
Հասարակություն
22.06.2018 | 17:51
Երևանի ընդհանուր իրավասության դատարանի Շենգավիթի նստավայրում, դատավոր Մեսրոպ Մակյանի նախագահությամբ տեղի ունեցած «Սասնա ծռեր» խմբի անդամների գործով նիստին դատավորի որոշմամբ մերժվեց փաստաբան Արայիկ Պապիկյանի միջնորդությունը։
Փաստաբանը միջնորդել էր իր պաշտպանյալի նկատմամբ կիրառված կալանքը որպես խափանման միջոցը փոխել անձնական երաշխավորության, դատարանը, սակայն, բավարար հիմքեր չտեսնելով կալանքը թողեց անփոփոխ։
Ի դեպ, անձնական երաշխավորություն էին ներկայացրել «Ծառուկյան» դաշինքի պատգամավորներն Նաիրա Զոհրաբյանն ու Սերգեյ Բագրատյանը: Մեսրոպ Մակյանը նույն որոշումը կայացրեց նաև Պապիկյանի մյուս վստահորդ Գևորգ Իրիցյանի վերաբերյալ։
