28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
Հայաստանի հավաքականը սեփական հարկի տակ պարտվեց Թուրքիային․ ԼՈւՍԱՆԿԱՐՆԵՐ
25.03.2023 | 22:53
Այսօր Երևանի Վազգեն Սարգսյանի անվան «Հանրապետական» մարզադաշտում «ԵՎՐՈ-2024»-ի շրջանակներում կայացավ Հայաստան-Թուրքիա խաղը։
Հանդիպումն ավարտվեց 2։1 հաշվով՝ Թուրքիայի հավաքականի հաղթանակով։
Առաջին խաղակեսի 10-րդ րոպեին մեր ընտրանու հակագրոհի արդյունքում Կամո Հովհաննիսյանն աջ եզրում ստացավ գնդակն ու այն փոխանցեց կենտրոն, որտեղ Թուրքիայի հավաքականի ֆուտբոլիստ Օզան Քաբակը գրավեց սեփական դարպասը: Այնուհետև թուրքերը հավասարեցրին հաշիվը` 1:1:
Երկրորդ խաղակեսի սկզբում թուրքերը ևս մեկ գոլ խփեցին՝ առաջ անցնելով հաշվի մեջ, արդյունքում 1։2՝ հօգուտ հյուրերի։
Հիշեցնենք, որ մինչ այս խաղը Հայաստանի և Թուրքիայի ընտրանիները երկու անգամ խաղացել են 2010թ․ ֆուտբոլի աշխարհի առաջնության ընտրական փուլի 5-րդ խմբի շրջանակներում․ 2 խաղում էլ հաղթել է Թուրքիայի հավաքականը՝ նույն 2:0 հաշվով։
Ստորև ներկայացնում ենք լուսանկարներ այսօրվա հանդիպումից․
