01.06.2026 | 15:26
ԵԱ․ Հայ շախմատիստներից լավագույն արդյունքն ունի Մարիամ Մկրտչյանը
Արցախում շրջափակման պատճառով իրավիճակն առողջապահության ոլորտում մնում է կրիտիկական
24.03.2023 | 22:09
Շրջափակման պատճառով Արցախի առողջապահության համակարգը գործում է խիստ սահմանափակումներով` առերեսվելով լրջագույն խնդիրների հետ։
Արցախի տեղեկատվական շտաբի տեղեկագրում առողջապահության ոլորտի պատասխանատուները ներկայացրել են, որ առկա է դեղորայքի և բժշկական պարագաների խիստ սղության խնդիրը, ինչի պառճառով դադարեցված են մնում բոլոր պլանային վիրահատությունները․ պահեստային դեղորայքն ուղղվում է միայն սուր դեպքերի համար։
Կարմիր Խաչի և ՌԴ խաղաղապահների աջակցությամբ հնարավոր դարձավ քիչ քանակով դեղերի և բժշկական նշանակության պարագաների ներմուծումը, բայց իրավիճակը մնում է կրիտիկական։
Արցախում զգալի է նեղ մասնագետների պակասը, սակայն շրջափակման պատճառով պետական և բարեգործական ծրագրերի շրջանակներում հրավիրված մասնագետների այցելությունն Արցախ անհնար է։
Միջանցքով ազատ տեղաշարժվելու հնարավորությունից զրկված են նաև պարբերաբար Հայաստանում բուժում ստացող հիվանդները․ նրանց կարող է տեղափոխել միայն ԿԽՄԿ-ն։ Հարյուրավոր հիվանդներ դեռ սպասում են իրենց հերթին, շատերը՝ վերակենդանացման բաժանմունքներում։
ԿԽՄԿ մեքենաներով տեղափոխվում են այն հիվանդները, որոնց հնարավոր է միայն նստած վիճակում տեղափոխել, իսկ ծանր հիվանդները կարող են գտնվել կոմայի մեջ, երկար ժամանակ միացված լինել արհեստական շնչառության սարքերին, ինչն անհնար է դարձնում նրանց՝ նստած վիճակում տեղափոխելը։
