12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Եթե եվրոպացի գործընկերները ցանկանում են նվազեցնել բևեռացումը, պետք է թեկնածուի կարգավիճակ շնորհեն Վրաստանին. Ղարիբաշվիլի
Քաղաքականություն
24.03.2023 | 17:09
Վրաստանի վարչապետ Իրակլի Ղարիբաշվիլին հայտարարել է, որ եթե եվրոպացի գործընկերները ցանկանում են նվազեցնել բևեռացումը Վրաստանում, ապա պետք է Թբիլիսիին շնորհեն ԵՄ անդամության թեկնածուի կարգավիճակ, փոխանցում է Գրուզիա օնլայնը։
Ղարիբաշվիլին այսօր խորհրդարանում նիստից առաջ հանդես է եկել ելույթով, որի ընթացքում, ի թիվս այլ հարցերի, անդրադարձել է ԵՄ անդամակցության թեկնածուի կարգավիճակ ստանալու խնդրին։
Նա պնդել է, որ կառավարությունն ամեն ինչ արել է՝ կարգավիճակի վերաբերյալ առաջարկությունները հնարավորինս արագ կյանքի կոչելու համար։
Միաժամանակ, Ղարիբաշվիլին նշել է, որ բևեռացում կա ցանկացած ժողովրդավարության մեջ։ Նա նաև հարց է ուղղել ընդդիմությանը, թե ինչ են արել՝ ապաբևեռացման հասնելու համար։ Վարչապետն ընդդիմությանը մեղադրել է «սաբոտաժի» մեջ՝ ասելով, որ ընդդիմությունն ամեն ինչ անում է, որ երկիրը ԵՄ անդամության թեկնածուի կարգավիճակ չստանա՝ հիշեցնելով խորհրդարանի բոյկոտի մասին։
«Իհարկե, մենք ի սկզբանե համաձայն չենք եղել մեր եվրոպացի գործընկերների որոշման հետ, ես անձամբ նրանց բազմիցս ասել եմ, որ սխալ է Վրաստանին թեկնածուի կարգավիճակ չտալը, ինչպես դա ստացել են Մոլդովան և Ուկրաինան, որովհետև մեր կանխատեսմամբ, իսկ այդ կանխատեսումն իրականացավ, բևեռացումը երկրում չդադարեց, այլ ուժեղացավ»,- ասել է Վրաստանի վարչապետը։
Նա հավելել է, որ դրանից հետո «երկիրն ապակայունացնելու փորձեր են եղել՝ հունիսյան գործողությունները, իսկ այժմ՝ մարտի իրադարձությունները»։
Տաթև Ֆռանգյան
