17.05.2026 | 19:49
Մենք մի հատ «ջարդված մատ» ունենք, անունը՝ Նիկոլ Փաշինյան, որը պետք է պոկենք և վռնդենք․ Քոչարյան․ ՏԵՍԱՆՅՈւԹ
Վաշինգտոնը ռազմավարական երկխոսություն է սկսում Բելառուսի ընդդիմության հետ
Քաղաքականություն
23.03.2023 | 18:32
Այս տարեվերջին ԱՄՆ-ը «համապարփակ ռազմավարական երկխոսություն» կսկսի Բելառուսի ժողովրդավարական շարժման և քաղաքացիական հասարակության ներկայացուցիչների հետ։ ԱՄՆ Պետքարտուղարության հաղորդմամբ՝ այս մասին հայտնել է պետքարտուղարի տեղակալ Վենդի Շերմանը Վաշինգտոնում բելառուսական ընդդիմության առաջնորդ Սվետլանա Տիխանովսկայայի հետ հանդիպման ժամանակ, գրում է DW-ի ռուսական ծառայությունը։
Նշվում է, որ հանդիպման մասնակիցները հույս են հայտնել, որ երկխոսությունը կմիավորի ԱՄՆ վարչակազմի գերատեսչությունները, որոնք զբաղվում են Բելառուսի հետ «բելառուսական ժողովրդավարական դերակատարների լայն շրջանակով, ներառյալ քաղաքական առաջնորդներ, քաղաքացիական հասարակության ներկայացուցիչներ, անկախ լրագրողներ, իրավապաշտպաններ, իրավաբաններ, արհմիությունների առաջնորդներ, գիտնականներ և շարքային բելառուսներ»։
Բացի այդ, պետքարտուղարի տեղակալն ընդգծել է «Միացյալ Նահանգների շարունակական հանձնառությունը՝ աջակցելու Բելառուսի ժողովրդի ձգտումներին՝ ուղղված իրենց երկրի ժողովրդավարական, ինքնիշխան և կայուն ապագային»։
Վաշինգտոն այցի ընթացքում Սվետլանա Տիխանովսկայան նաև ելույթ է ունեցել Կոնգրեսում՝ քննադատելով Բելառուսի ղեկավար Ալեքսանդր Լուկաշենկոյի գործողությունները, որը Կրեմլին թույլ է տվել օգտագործել Մինսկը Ուկրաինայի վրա հարձակվելու համար։
Հիշեցնենք՝ մարտի սկզբին Մինսկի քաղաքային դատարանը Տիխանովսկայային հեռակա դատապարտել է 15 տարի ժամկետով ազատազրկման։
Էմմա Չոբանյան
