16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
«Ամերիկյան հատուկ նշանակության ուղղաթիռները հայտնվել են ադրբեջանական բանակում»․ Սուրեն Սարգսյան․ ՏԵՍԱՆՅՈՒԹ
Քաղաքականություն
22.06.2018 | 13:05
Ադրբեջանի նախագահ Իլհամ Ալիևի հրահանգով Ադրբեջանի բանակը շարունակում է հզորանալ և զինվել նոր ռազմական տեխնիկայով, սրան զուգահեռ կտրուկ աճել են Ադրբեջանի պաշտպանական ծախսերը՝ հասնելով ավելի քան 1,7 մլրդ դոլարի։ Թե հայկական կողմն այս ռազմական հզորացմանն ի՞նչ կերպ պետք է պատասխանի, արդյոք Ալիևի ռազմատենչ հայտարարությունները պետք է լինե՞ն հայկական կողմի ուշադրության կենտրոնում, այս ու այլ հարցերի շուրջ այսօր հրավիրված մամուլի ասուլիսի ժամանակ խոսեց քաղաքագետ Սուրեն Սարգսյանը։
«Ադրբեջանի հայտարարությունները պետք է մշտապես ուշադրության կենտրոնում պահել, քանի որ այդ հայտարարությունները ուղղորդվում են համապատասխան սպառազինությունների ավելացումով, և Հայկական բանակը պետք է գտնվի բարձր պատրաստվածության մակարդակի վրա»,- ասաց քաղաքագետը։
Վերջինս նշեց, որ Ադրբեջանի զինված ուժերը համալրվել են նոր ամերիկյան ռազմական ուղղաթիռներով, որոնք կարող են օգտագործվել թե՛ ռազմական հատուկ նշանակության, թե՛ փրկարարական նպատակներով, և, եթե, Ադրբեջանն ունի և՛ ռուսական, և՛ ամերիկյան ռազմական տեխնիկայով իր բանակը հզորացնելու հնարավորություն, ապա Հայաստանը չունի և բավարարվում է միայն ռուսական զենք և զինտեխնիկա ձեռք բերելով։ «Առաջիկայում կհասկանանք՝ ինչպես են ամերիկյան ռազմական ուղղաթիռները հայտնաբերվել ադրբեջանական բանակում»,- ասաց նա։
Անդրադառնալով հայ-ամերիկյան համագործակցությանը՝ քաղաքագետը նշեց, որ այս պահին ակտիվ աշխատանքներ են տանում ՀՀ-ում վերականգնելու «Հազարամյակի մարտահրավերներ» ծրագրի աշխատանքները, ինչի հետ կապված մեր իշխանությունները լուրջ անելիքներ ունեն։ «Եթե ՀՀ-ն բավարարի բոլոր նախապայմանները, ԱՄՆ-ն չի բացառում, որ այս ծրագիրը ՀՀ-ում կսկսի գործել, այնպես որ գնդակը մեր դարպասում է»,- ասաց Ս․ Սարգսյանը։
Տեսանյութն՝ ավելի ուշ։
