17.02.2026 | 17:51
Կաթողիկոսի եղբոր գործով դատական նիստին տեսանյութ հրապարակվեց․ ՏԵՍԱՆՅՈՒԹ
Սեդա Սաֆարյանի լիազորությունների դադարեցման հարցով ՍԴ չեն դիմի. նախագիծը մերժվեց․ ՏԵՍԱՆՅՈՒԹ
Քաղաքականություն
22.03.2023 | 14:56
ՀՀ Ազգային ժողովը չի դիմի Սահմանադրական դատարան դատավոր Սեդա Սաֆարյանի լիազորությունները դադարեցնելու հարցով։ Փակ գաղտնի քվեարկությունից հետո ԱԺ հաշվիչ հանձնախմբի նախագահ Նարեկ Բաբայանը նշեց, որ 107-պատգամավորից մասնակցել է 30-ը։ «Հայաստան» խմբակցության քարտուղար Արծվիկ Մինասյանը հայտնեց, որ իրենց պատգամավորներից մի քանիսը գործուղման մեջ են, սակայն մյուսները մասնակցել են քվեարկությանը։
Ձայները բաշխվել են հետևյալ կերպ` կողմ` 30, դեմ` 0, անվավեր քվեաթերթիկներ չեն եղել։
Նշենք, որ Սահմանադրական դատարան կարելի է դիմել ԱԺ պատգամավորների ընդհանուր թվի ձայների առնվազն 3/5-րդով (63 պատգամավոր) ընդունված որոշմամբ։
Սեդա Սաֆարյանի հարազատների նկատմամբ բռնություն գործադրելու գործով մեկ անձ է կալանավորվել
Մինչ այս ՔՊ խմբակցության ղեկավար Հայկ Կոնջորյանը հայտարարել էր, որ իրենք չեն մասնակից քվերակությանը, քանի որ ներկայացված մեղադրանքները լեգիտիմ չեն համարում։
Նախագիծը ներկայացրել էր «Հայաստան» խմբակցությունը` փաստաբաններ Արսեն Բաբայանի և Սոս Հակոբյանի համատեղ դիմումի հիման վրա։
Նշենք ընդդիմությունը Սեդա Սաֆարյանին մեղադրում է ՍԴ դատավոր եղած ժամանակահատվածում ձեռնարկատիրությամբ զբաղվելու մեջ։ Սաֆարյանը 1994 թվականի օգոստոսի 11-ից մինչ 2023 թվականի հունվարի 27-ը գրանցված է եղել որպես «Սեդա Սաֆարյան Սերյոժայի» ԱՁ, սակայն նա ՍԴ դատավոր ընտրվել է 2022 թվականի սեպտեմբերի 15-ին, պաշտոնն էլ ստանձնել է դեկտեմբերի 10-ին։
Մանրամասները՝ տեսանյութում:
