27.06.2026 | 06:03
ԱԱ-2026. Իսպանիան հաղթեց Ուրուգվային, Կաբո Վերդեն նույնպես դուրս եկավ փլեյ-օֆֆ. ՏԵՍԱՆՅՈՒԹ
ԱՄՆ-ում Իսրայելի դեսպանը կանչվել է Պետքարտուղարություն
Քաղաքականություն
22.03.2023 | 16:08
Նախագահ Ջո Բայդենի վարչակազմն ԱՄՆ-ում Իսրայելի դեսպանին կանչել է Պետքարտուղարությունում չնախատեսված հանդիպման, ինչն ամերիկյան վարչակազմի համար հազվագյուտ քայլ է՝ սաստկացնելու բողոքը Կնեսեթի կողմից օրենքի ընդունման դեմ, որը թույլ կտա վերաբնակեցնել Արևմտյան ափի հյուսիսային շրջանների տարհանված տարածքները:
ԱՄՆ Պետքարտուղարության տարածած հաղորդագրության մեջ, մասնավորապես, ասվում է, որ պետքարտուղարի տեղակալ Վենդի Շերմանը Վաշինգտոնում հանդիպել է ԱՄՆ-ում Իսրայելի դեսպան Մայքլ Հերցոգի հետ:
«Պետքարտուղարի տեղակալը փոխանցել է ԱՄՆ-ի մտահոգությունը Իսրայելի Կնեսեթի կողմից ընդունված օրենքի առնչությամբ, որը չեղյալ է համարում 2005 թվականի «Անջատման մասին» օրենքի կարևոր ասպեկտները, ներառյալ՝ Արևմտյան ափում բնակավայրերի ստեղծման արգելքը: Նրանք նաև քննարկել են կարևորությունը՝ բոլոր կողմերի կողմից զերծ մնալ գործողություններից կամ հռետորաբանությունից, որոնք կարող են լարվածություն առաջացնել Ռամադանին, Պասեքին (Հրեական Զատիկ) և Սուրբ Զատկին ընդառաջ»,- ասվում է հաղորդագրության մեջ։
Էմմա Չոբանյան
