24.11.2024 | 17:00
Ֆրանսիայի Բրոն համայնքում Մեղրի քաղաքի պուրակ է բացվել
Մենք ժողովրդին հույս չենք տալիս. Վիգեն Խաչատրյան․ ՏԵՍԱՆՅՈՒԹ
Քաղաքականություն
22.03.2023 | 13:52
Մենք մեր ապագան որևէ մեկի հետ չպետք է կապենք, մեզ հետ պետք է կապենք և մեր ժողովրդին հույսեր չտանք: Մենք ժողովրդին հույս չենք տալիս, մենք հաշվետվություն ենք տալիս, որ մեր նպատակն է երկարատև խաղաղության հասնել: Այս մասին այսօր ԱԺ-ում լրագրողների հետ զրույցում նշեց ԱԺ «Քաղաքացիական պայմանագիր» խմբակցության պատգամավոր Վիգեն Խաչատրյանը:
«Մենք հետապնդելու ենք Արցախի ժողովրդի իրավունքների և անվտանգության խնդիրների լուծումը: Հասկանալով, որ Ադրբեջանը երաշխիք չէ, մենք հետապնդում ենք խնդիր, որ այդ համաձայնություններն ունենան միջազգային երաշխիքներ, որովհետև մենք մեր ուժերով չենք կարող երաշխավորել:
Եթե Ադրբեջանը փակում է Լաչինը, դժբախտաբար, մենք չենք կարող զորքով մտնել Լաչինը բացել, Բաքուն էլ գրավել: Ուրեմն պետք է քաղաքական ճնշումներ լինեն: Հիմա պարոն Լավրովն ասում է, որ Լաչինի միջանցքը պիտի բացվի, և երեք կողմերը՝ մենք, Ադրբեջանը և Ռուսաստանը, պիտի կատարեն իրենց պարտավորությունները: Փակագծերը չի բացում: Պարոն Լավրովը չի ասում՝ Ադրբեջանը փակել է, չի ասում՝ Ադրբեջանը հարձակվել է ու զավթել Հայաստանի սուվերեն տարածքը: Մեզ ասում են՝ դա նրանից է, որ դուք լավ չեք աշխատում Ռուսաստանի հետ, որ ՌԴ շահերից է բխում այդպես վարվել, և մենք իրավունք չունենք Ռուսաստանից վիրավորվել, նեղանալ:
Դու դաշնակի՞ց ես, թե՞ ով ես: Դու պայմանավորվածությունները կատարելո՞ւ ես, թե՞ ոչ: Սա այն է, որ Հայաստանի իշխանությունները չեն արել տասնյակ տարիներ, եղել են մուրացկանի դերում: Մտածել են՝ Ռուսաստանը չի թողնի մեզ նեղացնեն, դրել, կեղեքել են Հայաստանը»,- նշեց Խաչատրյանը:
Մանրամասները՝ տեսանյութում:
